ભુજના બે કલાકારનો હોલીવૂડ ફિલ્મ બ્યૂટી એન્ડ બિસ્ટમાં ડેબ્યૂ
કચ્છના બે ભરતકામ કારીગરોએ બનાવેલ ડ્રેસ હોલીવૂડ ફિલ્મ બ્યૂટી એન્ડ બિસ્ટમાં જાણીતી અભિનેત્રી એમા વોટ્સને પહેર્યો. જાણો કોણ છે આ બે ગુજરાતી કારીગર અહીં.
હોલીવૂડની જાણીતી ફિલ્મ બ્યૂટી એન્ડ બિસ્ટ હાલમાં જ રિલિઝ થઇ. વર્લ્ડ ડીઝનીની આ ફિલ્મની અભિનેત્રી એમા વોટ્સનના તમામ ડ્રેસના ભારે વખાણ થયા હતા. પણ શું તમને ખબર છે આ ફિલ્મમાં બેલાનું પાત્ર ભજવતી એમાના ડ્રેસિંગ પાછળ ગુજરાતના બે ભુજના ભરતકામ કારીગરોનો હાથ છે? આપણી કચ્છી કળા હોલીવૂડની આ ફિલ્મમાં ઝળકી ઉઠી છે.
Sourch: Instagram
આ ફિલ્મમાં એક દ્રશ્યમાં બેલાએ એક સુંદર વાઇટ રંગનો એમ્બ્રોઇડરી વાળો ડ્રેસ પહોર્યો છે. આ ડ્રેસ પર જે ભરતકામ છે તે કચ્છના ભુજમાં આવેલા બે કારીગરોએ કર્યું છે. કાસમ અને જુમા નામના ભુજના આ બન્ને ભાઇઓએ બેલાના ડ્રેસ પર સુંદર આરી વર્ક કર્યું છે. આમ જોવા જઇએ તો હોલીવૂડની ફિલ્મમાં ગુજરાતી ભાતીગળ કળા જોવા મળી છે.
નોંધનીય છે કે હોલીવૂડની આ ફિલ્મ બ્યૂટી એન્ડ બિસ્ટમાં એમા વોટ્સન દ્વારા 18મી સદીના બેલા નામની યુવતીનું પાત્ર ભજવ્યું છે. આ ફિલ્મ હાલ હોલીવૂડની ટોપ પર છે. ત્યારે હેરી પોટર ફિલ્મ ફેમ એમા દ્વારા ગુજરાતી કારીગરોના આરી વર્ક વાળા ડ્રેસમાં જોવા મળતા આ બન્ને જણાએ ખુશી વ્યક્ત કરી હતી. વધુમાં સોશ્યલ મીડિયા પર પણ આ પોસ્ટ હાલ વાયરલ થઇ રહી છે. જે આપણા કચ્છી ભરતકામના કારીગરો માટે ગૌરવની વાત છે.