ભાજપની પ્રદેશ પાર્લામેન્ટરી બોર્ડની બેઠક ગાંધીનગરમાં મળી

ગાંધીનગર, 30 જાન્યુઆરી : આજે ગાંધીનગર ખાતે ભાજપની પાર્લામેન્ટરી બોર્ડની મહત્વની બેઠક મળી છે. આ બેઠકમાં મુખ્યમંત્રી નરેન્દ્ર મોદીએ પણ હાજરી આપી છે. આ અંગે વધારે વિગતો આપતા ભાજપાના પ્રદેશ પ્રવકતા આઇ કે જાડેજાએ જણાવ્યું કે 17 ફેબ્રુઆરી, 2013ના રોજ ગુજરાતમાં યોજાનારી તાલુકા પંચાયત તેમજ જીલ્લા પંચાયતની ચૂંટણીના ઉમેદવારોની ચર્ચા વિચારણા કરવા માટે બેઠક મળી છે.

ભાજપાના પ્રદેશ અધ્યક્ષ આર સી ફળદુના વડપણ હેઠળ ભાજપાની પ્રદેશ પાર્લામેન્ટરી બોર્ડની બેઠક ગાંધીનગર ખાતે બુધવારે મળી છે. આ બેઠકમાં ગુજરાત રાજયના મુખ્યમંત્રી નરેન્દ્રભાઈ મોદી, ભાજપાના રાષ્ટ્રીય ઉપાધ્યક્ષ પરશોત્તમ રૂપાલા સહિત પાર્લામેન્ટરી બોર્ડના સભ્યો ઉપસ્થિત રહેશે.

આ બેઠકમાં નિરીક્ષકો દ્વારા આવેલ અહેવાલ તેમજ જીલ્લાના આગેવાનોની સાથે ચર્ચા-વિચારણા કરી ઉમેદવારોની યાદીને આખરી ઓપ આપવામાં આવશે.

English summary

BJP Pradesh Parliamentary Board meeting in Gandhinagar.