રાજ્યમાં ઠંડી યથાવત : આ છે સૌથી ઠંડુ શહેર, હવામાન વિભાગે કોલ્ડવેવની આપી ચેતવણી
ભારતના ઘણા ભાગોમાં ઠંડીએ વર્ષોનો રેકોર્ડ તોડી નાખ્યો છે. શિયાળાથી તાપમાન સતત ઘટી રહ્યું છે. આ દિવસોમાં ગુજરાતના કચ્છ જિલ્લાના અબડાસા તાલુકાનું મુખ્ય મથક, નલિયા શહેર એક બરફીલા રાજ્યનું સ્વરૂપ લે છે.
ભુજ : ભારતના ઘણા ભાગોમાં ઠંડીએ વર્ષોનો રેકોર્ડ તોડી નાખ્યો છે. શિયાળાથી તાપમાન સતત ઘટી રહ્યું છે. આ દિવસોમાં ગુજરાતના કચ્છ જિલ્લાના અબડાસા તાલુકાનું મુખ્ય મથક, નલિયા શહેર એક બરફીલા રાજ્યનું સ્વરૂપ લે છે. તે સતત 19મા દિવસે રાજ્યમાં સૌથી ઠંડું સ્થળ તરીકે નોંધાયું છે. અહીં લઘુત્તમ તાપમાન 5.8 ડિગ્રી સેલ્સિયસ પર પહોંચી ગયું હતું. 12 દિવસ પહેલા 8.8 ડિગ્રી સેલ્સિયસ સાથે નલિયા સૌથી ઠંડું શહેર હતું.
હવામાન વિભાગના કેન્દ્રએ સૌરાષ્ટ્રમાં કોલ્ડવેવની ચેતવણી જાહરે કરી છે. આવા સમયે ગુજરાતના સૌથી મોટા શહેર અમદાવાદમાં રાત્રે લઘુત્તમ તાપમાન 4.1 ડિગ્રી નોંધાયું હતું. ગાંધીધામ-અંજારમાં 8.4 ડિગ્રી તાપમાન સાથે ઠંડી જામી રહી છે. કેટલાક વિસ્તારોમાં ડિસેમ્બર મહિનામાં પણ લોકો બેવડી ઋતુનો અનુભવ કરી રહ્યા છે.
એક રિપોર્ટમાં કહેવામાં આવ્યું છે કે, 118 વર્ષમાં ડિસેમ્બર 2019 બીજા નંબરનું સૌથી ઠંડું રહ્યું હતું. જો કે, સારી વાત એ છે કે, હાલ રાજ્યભરમાં ઠંડીની અસર એકસરખી નથી. દરિયાની નજીકના વિસ્તારોમાં ઠંડી ઓછી થઈ રહી છે.
મંગળવારના રોજ ગાંધીધામ અને અંજાર વિસ્તારમાં કંડલા એરપોર્ટ પર લઘુત્તમ તાપમાન 8.4 ડિગ્રી નોંધાયું હતું. વિભાગમાંથી પ્રાપ્ત માહિતી અનુસાર કંડલા બંદર વિસ્તારમાં હાલમાં લઘુત્તમ તાપમાન 11.1 ડિગ્રી નોંધાયું છે. એકમાત્ર જિલ્લા મથક ભુજને અહીં ઠંડીમાંથી આંશિક રાહત મળી હતી, જ્યાં ઠંડું તાપમાન લઘુત્તમ 10.4 થી વધીને 11.6 થઈ ગયું હતું. આ સાથે જ સોમવારે કચ્છમાં બપોરના સમયે મહત્તમ તાપમાન 29 ડિગ્રી સાથે ઠંડું રહ્યું હતું. અહીં હવામાન વિભાગે ફરી એકવાર ઠંડીમાંથી રાહત મળવાના સંકેત આપ્યા છે.