અલ્પેશ ઠાકોરને રાધનપુરથી મળી ટિકિટ, ઠાકોર સેનામાં છવાઇ ખુશી

અલ્પેશ ઠાકોરને કોંગ્રેસે રાધનપુરથી વિધાનસભાની ટિકિટ ફાળવી છે. આ સમાચાર બાદ ઠોકર સેના દ્વારા તેમના નેતાને અભિનંદન આપવામાં આવ્યા હતા.

કોંગ્રેસે આજે તેના 76 ઉમેદવારાના લિસ્ટ પછી વધુ એક લિસ્ટ બહાર પાડ્યું છે જે મુજબ ઠાકોર સેનાના નેતા અલ્પેશ ઠાકોરને રાધનપુરથી ટિકિટ ફાળવવામાં આવી છે. આ સમાચાર મળતા જ ઠાકોર સેનામાં ખુશીનો માહોલ સર્જાયો હતો. અને આજે ઉમેદવારી ફોર્મ ભરવાનો છેલ્લો દિવસ હોવાના કારણે અલ્પેશ ઠાકોર રાધનપુરમાં ઉમેદવારી ફોર્મ ભરવા તેમના કાર્યકર્તાઓ સાથે પહોંચ્યા હતા. વધુમાં તેઓ અહીં એક જનસભા પણ યોજશે અને લોકોને તેમને વોટ આપવા માટે અપીલ પણ કરશે.

ઉલ્લેખનીય છે કે ગુજરાતના ત્રણ યુવા નેતાઓમાંથી એક ગણાતા અલ્પેશ ઠાકોરે ચૂંટણીની તારીખો જાહેર થઇ તે પહેલા જ રાહુલ ગાંધી સાથે પોતાની જોડાણ સ્પષ્ટ કર્યું હતું. અને તે માટે તે દિલ્હી પણ ગયા હતા. તે પછી ચર્ચા પણ હતી કે તેમને રાધનપુરથી કોંગ્રેસ એક ટિકિટ આપશે. ત્યારે આજે નામોની જાહેરાત બાદ તે વાત સ્પષ્ટ થઇ ગઇ છે. અને હવે તે ગુજરાત વિધાનસભાની ચૂંટણી કોંગ્રેસ તરફથી રાધનપુરથી લડશે. ઉલ્લેખનીય છે કે આજે જ દલિત નેતા જીજ્ઞેશ મેવાણીએ પણ વડગામથી અપક્ષ નેતા તરીકે ઉમેદવારી ભરવાની જાહેરાત કરી છે. આમ બન્ને યુવા નેતાઓ આ વખતની ગુજરાત વિધાનસભાની ચૂંટણીમાં તેમનું શક્તિ પ્રદર્શન કરવાના છે.

English summary

Congress Leader Alpesh Thakor will contest election from Radhanpur. Read here more.