છોટાઉદેપુરઃ 17 વર્ષીય છોકરીને ઢોર માર માર્યો, 3 સામે FIR
છોટાઉદેપુરઃ 17 વર્ષીય છોકરીને ઢોર માર માર્યો, 3 સામે FIR
છોટાઉદેપુર જિલ્લાના દૂરદરાજના એક ગામમા થોડા દિવસો પહેલા કોઈ છોકરા સાથે ભાગી જવા પર 17 વર્ષીય આદિવાસી છોકરીને તેના પિતા અને સ્થાનિકોની હાજરીમાં જ ત્રણ શખ્સોએ ઢોર માર માર્યો. પોલીસે મુજબ આ ઘટના 21મેના રોજ બની હતી. સોશિયલ મીડિયા પર આ ઘટનાનો વીડિયો વાયરલ થયા બાદ પોલીસના ધ્યાને આ ઘટના આવી. પોલીસે જણાવ્યું કે હજી આ મામલે એકેય આરોપીની ધરપકડ નથી થઈ.
છોટાઉદેપુરના એસપી એમએસ ભાભોરે કહ્યું કે, "ગામના જ કોઈ શખ્સ સાથે ભાગી જવા બદલ છોકરીના સંબંધીઓએ જાહેરમાં તેને લાકડીથી ઢોર માર માર્યો હોવાનો વીડિયો થોડા દિવસો પહેલા વાયરલ થયો હતો. છોકરીને માર મારી રહેલા ત્રણ લોકો સામે FIR નોંધવામાં આવી છે. તેમના પર રાયોટિંગનો ગુનો નોંધવામાં આવ્યો છે."
આ સમગ્ર ઘટના બની ત્યારે કેટલાય ગ્રામજનો ત્યાં હાજર હતા પરંતુ બધા જ તમાશો જોતા રહ્યા અને કોઈએ પણ છોકરીને બચાવવાની કોશિશ ના કરી. પોલીસના ધ્યાનમાં વીડિયો આવ્યા બાદ પોલીસે છોકરીનો સંપરક કર્યો અને આરોપીઓ સામે ફરિયાદ નોંધવા કહ્યું. પીડિતાએ ફરિયાદ નોંધાવતા પોલીસે 3 શખ્સ સામે FIR નોંધીને આગળની કાર્યવાહી હાથ ધરી છે, હજી સુધી કોઈને ધરપકડ નથી થઈ.
ગુજરાત પર મંડરાયાં ખતરાના વાદળ, અરબ સાગરમાં બે વાવાઝોડાં સક્રિય