ગુજરાતમાં ડ્રગ્સના દૂષણને ડામવા પોલીસે હેલ્પલાઈન નંબર જારી કર્યો
મુખ્યમંત્રી ભૂપેન્દ્ર પટેલ અને નાયબ મુખ્યમંત્રી હર્ષ સંઘવીના માર્ગદર્શન હેઠળ ગુજરાત પોલીસે રાજ્યને ડ્રગ્સ મુક્ત બનાવવાની રીતસરની જંગ છેડી છે. ડ્રગ્સ માફિયાઓ સામે કડક કાર્યવાહી કરવા અને નાર્કોટિક્સ કેસોને લગતી તપાસ માટે ગુજરાત પોલીસમાં એન્ટી નાર્કોટિક્સ ટાસ્ક ફોર્સ (ANTF) ની રચના કરવામાં આવી છે.
આ લડાઈને વધુ વેગ આપવા અને સામાન્ય જનતા સરળતાથી ડ્રગ્સ માફિયાઓ વિરુદ્ધ માહિતી આપી શકે તે માટે ANTF દ્વારા સત્તાવાર વોટ્સએપ નંબર જાહેર કરાયો છે. ડ્રગ્સ સંબંધિત માહિતી આપવા માટે નાગરિકો હવે ANTF ગુજરાત વોટ્સએપ નંબર: 99040 01908 ઉપર સંપર્ક કરી શકશે. નાર્કોટિક્સ હેલ્પલાઇન નંબર 1908 પર પણ કોલ કરી શકાય છે.
ગુજરાત પોલીસ ખાતરી આપે છે કે આ નંબર પર ડ્રગ્સની હેરાફેરી, વેચાણ કે અન્ય શંકાસ્પદ પ્રવૃત્તિ અંગે માહિતી આપનાર નાગરિકનું નામ અને વિગતો સંપૂર્ણપણે ગુપ્ત રાખવામાં આવશે. તમારી એક નાનકડી માહિતી ગુજરાતના યુવાધનને ડ્રગ્સના દૂષણથી બચાવવા માટે મોટું યોગદાન આપી શકે છે.
ANTF ગુજરાત પોલીસ ડ્રગ્સ ટ્રાફિકિંગ રોકવા, શૈક્ષણિક સંસ્થાઓમાં જાગૃતિ લાવવા અને નશાની લત છોડાવવા માટે સતત કાર્યરત છે. આ ઝુંબેશમાં જોડાવા માટે, નાગરિકો સોશિયલ મીડિયાના ફેસબુક (antfgujarat), X (ટ્વિટર) (@antfgujarat) અને ઈન્સ્ટાગ્રામ (@antf_gujarat) પ્લેટફોર્મ પર ANTF ગુજરાતને ફોલો કરી શકે છે.
Click it and Unblock the Notifications
Sign in with Google
