Gujarat assembly bypoll 2024: વિધાનસભાની પેટાચૂંટણીમાં ખંભાત બેઠક પર ચિરાગ પટેલની જીત
Gujarat assembly bypoll 2024 : લોકસભા ચૂંટણી સાથે ગુજરાત વિધાનસભામાં ખાલી પડેલી બેઠક માટે પેટાચૂંટણી પણ યોજાઇ હતી. જેની મતગણતરી આજે કરવામાં આવી રહી છે. ખંભાત વિધાનસભાની પેટાચૂંટણીની મતગણતરી તમામ 18 રાઉન્ડમાં પૂર્ણ થઈ ગઈ છે.
તમામ 17 રાઉન્ડમાં થયેલી મત ગણતરીના અંતે, શાસક ભારતીય જનતા પાર્ટી (BJP) ના ઉમેદવાર ચિરાગ પટેલે મધ્ય ગુજરાતનીખંભાત વિધાનસભા બેઠકની પેટાચૂંટણીમાં 87,707 મતો મેળવીને જીત મેળવી હતી.
ચિરાગ પટેલ નજીકના હરીફ ઉમેદવાર મહેન્દ્રસિંહ પરમાર સામે 38,202 મતોના માર્જિનથી ચૂંટણી જીત્યા હતા, જેઓ 49,505 મત મેળવી શક્યા હતા. અપક્ષ ઉમેદવાર મહિપતસિંહ ચૌહાણને 15,631 મત મળ્યા હતા.
અત્રે નોંધનીય બાબત છે કે, કોંગ્રેસના ધારાસભ્ય પદેથી ચિરાગ પટેલના રાજીનામાને કારણે પેટાચૂંટણીની ફરજ પડી હતી. જે બાદ તેઓ ભાજપમાં જોડાયા હતા, અને ભાજપના ઉમેદવાર તરીકે પેટાચૂંટણી લડ્યા હતા.
Click it and Unblock the Notifications
Sign in with Google
