ચૂંટણીમાં પક્ષપાતના કોંગ્રેસના આરોપો પર ECએ આપ્યો જવાબ, કહ્યુ - 'જે EVM પર સવાલ ઉઠાવ્યા, ત્યાં જીતી ગયા'
ગુજરાત ચૂંટણીની તારીખોની જાહેરાત પહેલા કોંગ્રેસ તરફથી પંચ પર નિષ્પક્ષતા વિશે સવાલ ઉઠાવવામાં આવ્યા હતા. જેને લઈને હવે ચૂંટણી પંચ તરફથી જવાબ આપવામાં આવ્યો છે.
નવી દિલ્લીઃ ચૂંટણી પંચ તરફથી ગુજરાત વિધાનસભા ચૂંટણીની તારીખોનુ એલાન થઈ ચૂક્યુ છે. જે મુજબ 1 અને 5 ડિસેમ્બરે બે તબ્કાકમાં મતદાન યોજાશે. વળી, પરિણામો હિમાચલ પ્રદેશની સાથે-સાથે 8 ડિસેમ્બરે જાહેર કરવામાં આવશે. ગુજરાત ચૂંટણીની તારીખોની જાહેરાત પહેલા કોંગ્રેસ તરફથી પંચ પર નિષ્પક્ષતા વિશે સવાલ ઉઠાવવામાં આવ્યા હતા. જેના વિશે કોંગ્રેસે એક ટ્વિટ પણ કર્યુ હતુ જેમાં ગાંધીજીના ત્રણ બંદર પણ બનેલા હતા. કોંગ્રેસના આ ટ્વિટને પંચ પર કટાક્ષ તરીકે જોવામાં આવી રહ્યુ છે. જેને લઈને હવે ચૂંટણી પંચ તરફથી જવાબ આપવામાં આવ્યો છે.
કોંગ્રેસ દ્વારા ઉઠાવવામાં આવેલા સવાલ પર પંચનો મોટો જવાબ આવ્યો છે. ગુજરાત વિધાનસભાની ચૂંટણીની તારીખો જાહેર કરતી વખતે પંચે કહ્યુ હતુ કે શબ્દો કરતા પગલાં વધુ બોલે છે. કોઈ ફરક નથી પડતો કે હું તમને સમજાવવાની કેટલી કોશિશ કરુ છુ. મહત્વની છે ક્રિયા અને અમારા યોગ્ય પરિણામો. કમિશને કહ્યુ કે પરિણામો દર્શાવે છે કે જેઓ ગંભીર છે તેમને આશ્ચર્યજનક પરિણામો મળ્યા છે. મુખ્ય ચૂંટણી અધિકારી રાજીવ કુમારે ઈવીએમ પરના પ્રશ્નોના પણ જવાબ આપ્યા હતા. તેમણે કહ્યુ કે ચૂંટણીના પરિણામો પહેલા પાર્ટીઓ દ્વારા ઈવીએમને લઈને ઘણી વખત સવાલો ઉઠાવવામાં આવે છે. પણ પરિણામ આવે તો એ ટીમ જીતી જાય છે.
મુખ્ય ચૂંટણી અધિકારી રાજીવ કુમારે વડાપ્રધાન મોદીની ગુજરાત મુલાકાતને કારણે મતદાનની તારીખોમાં વિલંબના આરોપોનો પણ જવાબ આપ્યો હતો. તેમણે જણાવ્યુ હતુ કે તાજેતરમાં મોરબી અકસ્માતના રૂપમાં ખૂબ જ દુઃખદ ઘટના બની હતી. આ જ કારણ છે કે ચૂંટણીની તારીખોમાં વિલંબ થયો છે. આ સિવાય તેમણે કહ્યુ હતુ કે ગઈકાલે રાજ્યમાં રાજ્યમાં શોક હતો. જેના કારણે તારીખો જાહેર થઈ શકી નથી.
તમને જણાવી દઈએ કે ગુજરાતમાં છેલ્લા 27 વર્ષથી ભાજપ સત્તા પર છે. આવી સ્થિતિમાં આ વખતે ચૂંટણી જીતવી એ ભાજપ માટે વિશ્વસનીયતાનો પ્રશ્ન બની ગયો છે. આ સાથે જ દિલ્લી અને પંજાબમાં સરકાર બનાવ્યા બાદ આમ આદમી પાર્ટી ગુજરાતમાં પણ રાજકીય મેદાન શોધી રહી છે. જ્યારે કોંગ્રેસ પણ ગુજરાત ચૂંટણીમાં જીત નોંધાવવા માટે જોરશોરથી પ્રચાર કરી રહી છે. આવી સ્થિતિમાં આ વખતે ગુજરાત વિધાનસભાની ચૂંટણીમાં ત્રિકોણીય જંગ જોવા મળી રહ્યો છે.
Click it and Unblock the Notifications
Sign in with Google
