જીતુ વાઘાણી આજે ભરશે નામાંકન, અમિત શાહ રહેશે હાજર
જીતુ વાઘાણી 3 કિલોમીટર લાંબો રોડ શો નીકાળી અમિત શાહની હાજરીમાં ભરશે ઉમેદવારી પત્ર. વધુ જાણો અહીં.
ગુજરાત પ્રદેશ પ્રમુખ જીતુ વાઘાણી આજે ભાવનગર પશ્ચિમની બેઠકથી ઉમેદવારી ફોર્મ ભરશે. બીજા શબ્દોમાં જીતુ વાઘાણી આ દ્વારા શક્તિ પ્રદર્શન પણ કરશે. જેમાં ભાજપના રાષ્ટ્રીય પ્રમુખ અમિત શાહ અને ભુપેન્દ્ર યાદવ પણ હાજર રહેશે. આ નામાંકન પહેલા જીતુ વાઘાણી અને અમિત શાહ 3 કિલોમીટર લાંબો રોડ શો પણ નીકાળશે. જેમાં 3000 જેટલી બાઇક સાથે કાર્યકર્તાઓ જોડાશે. અને મંદિરમાં દર્શન કરીને વિજય મૂર્હૂર્તમાં જીતુ વાઘાણી ઉમેદવારી પત્ર ભરશે. આ સાથે એક જનસભાનું પણ આયોજન કરવામાં આવશે. જેમાં અમિત શાહ પણ જનસભાને સંબોધન કરશે.
ઉલ્લેખનીય છે કે આજે મોટી સંખ્યામાં બંન્ને પક્ષના નેતાઓ તેમના ઉમેદવારી ફોર્મ ભરશે. આ સાથે ભાજપ અને કોંગ્રેસ તેના તમામ ઉમેદવારોના લિસ્ટ પણ આજે સાંજ સુધીમાં જાહેર કરી દેશે. ત્યારે જીતુ વાઘાણી 2012ની ચૂંટણીમાં આ જ બેઠકથી કોંગ્રેસના મનસુખભાઇને 53,893 વોટોથી જીત મેળવી હતી. ત્યારે પાટીદાર અનામત આંદોલન પછી જીતુ વાઘાણી શું આ બેઠક પરથી આટલી જ વધુ વોટો સાથે જીત મેળવી શકે છે કે કેમ તે હવે જોવું રહ્યું.