કોંગ્રેસ: ક્યાંક ટિકિટ મળતા તો ક્યાંક ન મળતા થયો વિરોધ

ગુજરાત વિધાનસભાની ચૂંટણીને બહુ ઓછા દિવસો બાકી છે ત્યારે ઉમેદવારોની યાદીના મામલે અનેક સ્થળોએ વિરોધ હજુ પણ ચાલુ જ છો. કોંગ્રેસની યાદી અને બાદના વિરોધ વિશે વધુ વાંચો અહીં.

ગુજરાત વિધાનસભાની ચૂંટણીને બહુ ઓછા દિવસો બાકી છે ત્યારે ઉમેદવારોની યાદીના મામલે અનેક સ્થળોએ વિરોધ હજુ પણ ચાલુ જ છો. ચૂંટણીની બેઠકોને લઈને અમદાવાદ કોંગ્રેસમાં બબાલ થઇ હતી. બાપુનગરની બેઠક માટે આંતરિક વિવાદ થયો હોવાનું સામે આવ્યું છે. કોંગ્રેસ દ્વારા હિંમતસિંહ પટેલને ટિકિટ આપવામાં આવે એવી સંભાવનાને પગલે વિવાદ થયો હોવાનું જાણવા મળ્યું છે. હિંમતસિંહ પટેલના સ્થાને અન્ય લાયક ઉમેદવારને ટિકિટ આપવાની માંગ કરવામાં આવી રહી છે. હિંમતસિંહ પટેલ 2 વાર વિધાનસભા અને 1 વાર લોકસભાની ચૂંટણી હારી ચૂક્યા હોવાથી વિવાદ થઇ રહ્યો છે.

તો સરસપુરના કોંગ્રેસી કોર્પોરેટર તૌફિકખાન પઠાણે અપક્ષ ઉમેદવારી કરવાની ચીમકી આપી છે. તેમણે ગુજરાત કોંગ્રેસ પ્રભારી અશોક ગેહલોતને ચીમકી આપી હતી. વિવિધ વિરોધના પગલે જ કોંગ્રેસ દ્વારા બીજા તબક્કા માટે ઉમેદવારોની યાદી છેલ્લી ઘડીએ જાહેર કરવાની રણનીતિ અપનાવાવમાં આવી છે. કોંગ્રેસ પ્રદેશ પ્રમુખ ભરતસિંહ સોલંકી મંગળવારે બપોરે જ આ અંગે ચર્ચા કરવા માટે દિલ્હી પહોંચ્યા હતા અને અહમેદ પટેલના નિવાસસ્થાને કોંગ્રેસે બેઠક કરી હતી. કહેવાઇ રહ્યું છે કે, કોંગ્રેસ ઉપાધ્યક્ષ રાહુલ ગાંધીના ગુજરાત પ્રવાસ પહેલાં ઉમેદવારોના નામ ફાઇનલ કરવા માટે કવાયત હાથ ધરવામાં આવી છે.

English summary

Gujarat Election: Local Congress leaders and workers are still opposing over the candidate list.