Gujarat Local Body Election: સ્થાનિક સ્વરાજ્યની ચૂંટણીને લઈ ભાજપે ઉમેદવારોની પસંદગી પ્રક્રિયા આરંભી

Gujarat Local Body Election: સ્થાનિક સ્વરાજ્યની ચૂંટણીની ઘોષણાની સાથે જ ભાજપે તૈયારી આરંભી દીધી છે. ભાજપે રવિવારે રાજ્યમાં મહાનગરપાલિકા, નગરપાલિકા, તાલુકા અને જિલ્લા પંચાયતની ચૂંટણીને લઈ ઉમેદવારોની પસંદગી પ્રક્રિયા શરૂ કરી દીધી છે. ત્રણ દિવસ સુધી ચાલતી આ પ્રક્રિયામાં ઉમેદવારોની પસંદગીને લઈ દાવેદારો માટે ત્રણ-ત્રણ નિરીક્ષકોની ટીમ બનાવવામાં આવી છે. અમદાવાદ મહાનગરપાલિકાના 48 વોર્ડ માટે 12 નિરીક્ષકોની ટીમ બનાવવામાં આવી છે.

પાર્ટી અધ્યક્ષ સી આર પાટિલ માટે આ ચૂંટણી લિટમસ ટેસ્ટ સાબિત થશે. પાટિલના નેતૃત્વમાં ભાજપે ચૂંટણી માટે કમર કસી લીધી છે. જણાવવામાં આવે છે કે આ વખતે યુવાઓ, શિક્ષિત અને સ્વચ્છ છબીના ઉમેદવારોને ટિકિટ આપવામાં પ્રાથમિકતા આપવામાં આવશે.

પાર્ટીએ ગત નવેમ્બર મહિનામાં 8 વિધાનસભા સીટ પર જીત નોંધાવી હતી. જો કે 2015ની સ્થાનિક સ્વરાજની ચૂંટણીમાં પાર્ટીને કોંગ્રેસથી જબરદસ્ત ટક્કર મળી હતી અને સૌરાષ્ટ્રમાં કેટલીય જગ્યાએ પાર્ટીને કરારી હારનો સામનો કરવો પડ્યો હતો.

English summary

Gujarat Local Body Election: BJP has started candidate selection process