ગુજરાતમાં હજુ પણ માવઠાથી રાહત નહીં, હોલી બાદ બગડી શકે છે વાતાવરણ
ગુજરાતમાં આ વર્ષે હોળીના તહેવાર પૂર્વે જ હવામાનમાં મોટો પલટો જોવા મળી રહ્યો છે. રાજ્યના અનેક ભાગોમાં વાદળછાયું વાતાવરણ અને કમોસમી વરસાદની શક્યતાથી ખેડૂતોમાં ચિંતાનો માહોલ સર્જાયો છે.
હવામાન નિષ્ણાંત અંબાલાલ પટેલના જણાવ્યા મુજબ, આગામી 27 ફેબ્રુઆરીથી ફરી નવું વેસ્ટર્ન ડિસ્ટર્બન્સ સક્રિય થશે. આ નવી સિસ્ટમની વ્યાપક અસર માર્ચ મહિનાના શરૂઆતના દિવસોમાં પણ જોવા મળી શકે છે.
હાલમાં પાંચ અલગ-અલગ સિસ્ટમ સક્રિય થવાને કારણે રાજ્યના વાતાવરણમાં અચાનક પલટો આવ્યો છે. જેમાં સાયક્લોનિક સર્ક્યુલેશન અને ટ્રફ લાઇન જેવી સ્થિતિ સર્જાતા માવઠાનો ભય સેવાઈ રહ્યો છે.
હવામાન વિભાગના જણાવ્યા અનુસાર, 26 ફેબ્રુઆરીની સવાર સુધી રાજ્યના વિવિધ ભાગોમાં વરસાદની સંભાવના છે. ત્યારબાદ 3 માર્ચ સુધી વાતાવરણ મુખ્યત્વે શુષ્ક રહેવાની અને તાપમાન સ્થિર રહેવાની આગાહી છે.
સૌરાષ્ટ્રના અમરેલી અને ભાવનગર સહિત ઉત્તર ગુજરાતના સાબરકાંઠામાં હળવો વરસાદ પડી શકે છે. આ ઉપરાંત અરવલ્લી, નર્મદા અને તાપી જિલ્લાઓમાં પણ ગાજવીજ સાથે છાંટા પડવાની શક્યતા છે.
દક્ષિણ ગુજરાતના ડાંગ અને કચ્છ સહિત અમદાવાદ-ગાંધીનગરમાં પણ કમોસમી વરસાદી માહોલ રહી શકે છે. અરબી સમુદ્ર અને રાજસ્થાન પર સર્જાયેલી સિસ્ટમની અસર સીધી ગુજરાતના હવામાન પર પડી રહી છે.
Click it and Unblock the Notifications
Sign in with Google
