હાર્દિક પટેલની રાહુલ ગાંધીને ચીમકી તારી પણ થશે અમિત શાહવાળી
પાટીદાર નેતા હાર્દિક પટેલની કોંગ્રેસના યુવરાજ રાહુલ ગાંધીને ચીમકી. પાટીદાર મામલે પોતાનું સ્ટેન્ડ ક્લિયર કરો નહીં તો સુરતમાં તમારી પણ થશે અમિત શાહ વાળી.
પાટીદાર નેતા હાર્દિક પટેલ તેના સોશ્યલ મીડિયા પર ટ્વિટ કરીને કહ્યું છે કે જો 3 નવેમ્બર 2017 સુધી કોંગ્રેસ પાટીદારોને કેવી રીતે સંવૈધાનિક રીતે આરક્ષણ આપશે તે અંગે સ્પષ્ટતા નહીં આપે અને આ મામલે પોતાનું સ્ટેન્ડ ક્લિયર નહીં કરે તો તેનો હાલ પણ સુરતમાં અમિત શાહ જોડે જેવો થયો હતો તેવો થશે. ઉલ્લેખનીય છે કે રાહુલ ગાંધી નવેમ્બરમાં સુરતથી તેમના ત્રીજા તબક્કાનો ચૂંટણી પ્રચાર શરૂ કરવાના છે. અને આ પહેલા જ્યારે અમિત શાહ અને વિજય રૂપાણી સુરતમાં એક કાર્યક્રમમાં હાજરી આપવા આવ્યા હતા ત્યારે પાટીદારોએ તે કાર્યક્રમમાં ખુરશી તોડી હંગામો કર્યો હતો. ત્યારે હાર્દિકે ટ્વિટ કરીને રાહુલ ગાંધીની આવનારી સુરત સભામાં પણ અમિત શાહવાળી થવાની ચિમકી ઉચ્ચારી છે.
3/11/2017तक कोंग्रेस पाटीदार को संवैधानिक आरक्षण कैसे देंगी,उस मुद्दे पर अपना स्टेण्ड क्लीयर कर दे नहीं तो अमित शाह जैसा मामला सूरत में होगा
— Hardik Patel (@HardikPatel_) October 28, 2017
ઉલ્લેખનીય છે કે હાલ જ્યારે તાજમાં હાર્દિક પટેલ અને રાહુલ ગાંધીની સંભવિત મુલાકાતના સીસીટીવી ફૂટેજ બહાર આવ્યા હતા. ત્યારે માનવામાં આવતું હતું કે હાર્દિક પટેલ પહેલી નવેમ્બરે કોંગ્રેસમાં જોડાઇ જશે. અને આ મામલે હાર્દિકના પૂતળા પણ બાળવામાં આવ્યા હતા. વળી તેવી ગણતરી હાલ પણ ચાલી રહી છે કે અલ્પેશ ઠાકોર પણ હાર્દિક પટેલ પણ ટૂંક સમયમાં કોંગ્રેસમાં જોડાઇ જશે કે પછી આડકતરી રીતે તેને સમર્થન આપશે. પણ હાર્દિક પટેલના આ ટ્વિટે ફરી તેને પાટીદારોમાં લોકપ્રિય બનાવી શકે છે.
Click it and Unblock the Notifications
Sign in with Google
