રાહુલ ગાંધીની અરજી પર સૂનાવણીથી હાઈકોર્ટના જજ ગીતા ગોપીએ પોતાને અલગ કર્યા, જાણો કેમ?
સુરતની કોર્ટે સજા ફટકાર્યા બાદ રાહુલ ગાંધી ગુજરાત હાઈકોર્ટ પહોંચ્યા છે. સજા પર રોક લગાવવાની માંગ સાથે રાહુલ ગાંધીએ ગુજરાત હાઈકોર્ટમાં અરજી દાખલ કરી છે.રાહુલ ગાંધીની અરજી પર કોઈ નિર્ણય આવે તે પહેલા જ એક મોટા સમાચાર આવ્યા છે. ગુજરાત હાઈકોર્ટના જજ ગીતા ગોપીએ પોતાને આ સુનાવણીથી અલગ કરી લીધા છે.
ગીતા ગોપીએ આ કેસથી પોતાને અલગ કર્યા બાદ હવે આ મામલો અન્ય જજને સોંપવામાં આવશે. રાહુલ ગાંધીને સુરત કોર્ટે બે વર્ષની સજા ફટકારી છે અને આ સજાને સેશન્સ કોર્ટ બરકરાર રાખ્યા બાદ હવે હાઈકોર્ટના દરવાજા ખખડાવ્યા છે.
હાઈકોર્ટમાં રાહુલ ગાંધીએ સજા પર સ્ટે ઓર્ડર જારી કરવા માંગ કરી છે. તેમના વકીલ પીએસ ચાંપાનેરીએ જસ્ટિસ ગીતા ગોપીની કોર્ટમાં તાત્કાલિક સુનાવણીની માંગ કરી છે. સરકારી વકીલે આ મુદ્દે વિરોધ નોંધાવતા કહ્યું કે, આ બાબતને તાત્કાલિક સુનાવણી માટે નહીં પરંતુ તાત્કાલિક પરિભ્રમણ માટે મંજૂરી આપવામાં આવે. ચાંપાનેરીએ વિરોધ કરતા કહ્યું કે આ એક વ્યક્તિગત ફરિયાદ છે અને સરકારને તેની સાથે કોઈ લેવાદેવા નથી.
જસ્ટિસ ગોપીએ થોડા સમય સુધી આ મામલાની સુનાવણી કર્યા બાદ પોતાને અલગ કરી લીધા છે. તેમણે કોર્ટ રજિસ્ટ્રીને આ મામલો બીજી બેન્ચને સોંપવા ચીફ જસ્ટિસને મામલો પાછો મોકલવા નિર્દેશ આપ્યો છે. આ કેસની સુનાવણીથી દૂર જતા તેમણે લખ્યું, નોટ બિફોર ધીસ કોર્ટ.
23 માર્ચે કોર્ટે રાહુલ ગાંધીને ગુનાહિત માનહાનિના કેસમાં દોષિત ઠેરવી બે વર્ષની સજા સંભળાવી છે. રાહુલ ગાંધીને આઈપીસીની કલમ 499 અને 500 હેઠળ મહત્તમ સજા કરાઈ છે. સુરતના ભાજપના ધારાસભ્ય અને પૂર્વ મંત્રી પૂર્ણેશ મોદીએ આ કેસ દાખલ કર્યો હતો.
Click it and Unblock the Notifications
Sign in with Google
