જાણો તમારા ઉમેદવારને: જેતપુરથી ભાજપના જયેશ રાદડિયા

ગુજરાતમાં રાજકીય પક્ષો દ્વારા વિધાનસભાની ચૂંટણીમાં ઉમેદવારોના નામ જાહેર કરવામાં આવ્યા હતા. જેમાં જેતપુરની સીટ પરથી ભાજપના જયેશ રાદડિયાને ટિકિટ આપવામાં આવી છે. જયેશ રાદડિયા વિષે થોડુ જાણીએ.

ગુજરાત વિધાનસભાની ચૂંટણીમાં ભાજપનો દાવો છે કે તે એક એક બેઠક પર પોતાની નજર બનાવીને આ ચૂંટણી લડી રહી છે. વળી વિધાનસભાની સીટ પરના ઉમેદવારોની યાદી અને વિવાદો પણ આ ચૂંટણીને વધારે રસપ્રદ બનાવી રહ્યા છે, ત્યારે 17 નવેમ્બરના રોજ ભાજપ દ્વારા ઉમેદવારોની પહેલી યાદી બહાર પાડવામાં આવી છે. આ યાદીમાં જેતપુરની વિધાનસભા સીટ પરના ઉમેદવાર તરીકે જયેશ રાદડિયાની પસંદગી કરવામાં આવી છે. તો જયેશ રાદડિયા વિષે થોડું જાણીએ. જયેશભાઈનો જન્મ 20 ડિસેમ્બર,1981ના રોજ રાજકોટના જામકંડોરણામાં થયો હતો. જયેશના માતાનું નામ ચેતનાબેન અને પિતાનું નામ વિઠ્ઠલભાઈ રાદડિયા છે. તેમણે વર્ષ 2001માં વડોદરાથી સિવિલ એન્જિનિયરિંગનો અભ્યાસ કર્યો છે. જયેશ રાદડિયા 13મી વિધાનસભામાં સભ્ય રહી ચુક્યા છે. જયેશભાઈના પિતા વિઠ્ઠલભાઈ પોરબંદરથી 2009માં સાંસદ પણ રહી ચુક્યા છે.

2013માં વિઠ્ઠલ રાદડિયા અને જયેશ રાદડિયા કોંગ્રેસના ધારાસભ્ય હતા. ત્યારે તેમણે અચાનક વિધાનસભામાંથી રાજીનામું આપી દીધુ હતું. આ કારણથી કોંગ્રેસ પક્ષ તેમનાથી ઘણો નારાજ થયો હતો. કારણ કે તેમણે કોઇ પણ પ્રકારની ચર્ચા કર્યા વગર રાજીનામું આપી દીધુ. આથી તેમને 6 વર્ષ માટે કોંગ્રેસ પક્ષમાંથી સસ્પેન્ડ કરવામાં આવ્યા હતા. એ બાદ પિતા-પુત્ર બંન્ને ભાજપમાં જોડાયા હતા. myneta.in પરથી મળતી માહિતી અનુસાર તેમની કુલ સંપત્તિ 14 કરોડ જેટલી છે. તેમનો મુખ્ય વ્યવસાય ટ્રેડિંગ અને સમાજ સેવાનો છે. તેમનો એક પુત્ર અને પુત્રી છે. તેમની પત્નીનું નામ મિતલબેન છે. તેમના પર બે ગુનાહિત કેસ નોંધાયેલા છે.

English summary

jayeshbhai radadiya bjp candidate from jetpur assembly seat. Read More detail here.