1.25 કરોડની નવી નોટો સાથે બે શખ્સસોને ઝડપ્યા હતા

ખેડાનાં સેવાલિયા ચેકપોસ્ટ પાસેથી રૂ. 1.25 કરોડની નવી નોટો ઝડપાઈ હતી. બે હજાર અને 500 રૂપિયાના દરની નોટો સાથે બે વ્યક્તિની ધરપકડ કરવામાં આવી છે...

By Oneindia Staff Writer

Published: Sunday, April 30, 2017, 21:23 [IST]

ખેડા જીલ્લાના સેવાલિયા પોલીસ પોલીસ સ્ટેશનના કર્મીઓ વાહન ચેકિંગ દરમિયાન સેવાલિયા ચેક પોસ્ટ પરથી પસાર થતી એસ,ટી બસ રોકી ચેકિંગ કરતા બે શખ્સોને ૧.૨૫ કારોની નવી ચલણી નોટો સાથે ઝડપી પાડ્યા હતા. બંન્ને શખ્સોને મુદ્દામાલ સાથે સેવાલિયા પોલીસ સ્ટેશન લઇ જવામાં આવ્યા હતા.

મળતી માહિતી મુજબ નવી ચલણી નોટો સાથે પકડાયેલા બંને શખ્સો આંગડીયા પેઢીમાં કામ કરતા હોવાથી રોકડ રકમ લઇ ગોધરાથી અમદાવાદ જતા હોવાનું પોલીસ તપાસમાં જણાવ્યું હતું. પોલીસે અટક્યાત કરેલ બંને શખ્સો મૂળ અમદાવાદના રહેવાસી છે. હેમલ ગેહલોત રહે ઘાટલોડિયા અમદાવાદ અને ભરત ડાહ્યાભાઈ પટેલ રહે સ્વામીનારાયણ પાર્ક, અમદાવાદ. બંન્ને આરોપીઓ પાસેથી 500 અને ૨૦૦૦ની ૧.૨૫ કરોડની નોટ જપ્ત કરી આંગડીયા પેઢી ના માલિકને રૂપિયાના પુરાવા સાથે પોલીસ સ્ટેશન ખાતે હાજર થવા જણાવામાં આવ્યું છે. આટલી મોટી રકમ ક્યાંથી લાવ્યા છે તે દિશામાં પોલીસે તપાસ હાથધરી છે.

Published On April 30, 2017