કચ્છના રાપરમાં વહેલી સવારે ફરી એકવાર આવ્યો ભૂકંપનો આંચકો, જાણો કેટલી હતી તીવ્રતા
Kutch Earthquake News: સરહદી જિલ્લા કચ્છમાં ફરી એકવાર ધરતીના પેટાળમાં હલચલ જોવા મળી છે. આજે વહેલી સવારે વાગડ વિસ્તારના રાપરમાં ભૂકંપનો આંચકો અનુભવાતા સ્થાનિકોમાં ભયનો માહોલ છવાયો હતો. ગાઢ નિદ્રામાં પોઢેલા લોકો ધ્રુજારી અનુભવાતા જ સાવચેતીના ભાગરૂપે ઘરની બહાર દોડી આવ્યા હતા.
વહેલી સવારે અનુભવાયો આંચકો
ભૂકંપ વિજ્ઞાન કેન્દ્ર (ISR) ના જણાવ્યા અનુસાર, આજે વહેલી સવારે 5:47 કલાકે આંચકો અનુભવાયો હતો. રિક્ટર સ્કેલ પર તેની તીવ્રતા 2.5 નોંધાઈ છે. આ ભૂકંપનું કેન્દ્રબિંદુ રાપરથી અંદાજે 19 કિલોમીટર દૂર નોંધાયું હતું. જોકે તીવ્રતા ઓછી હોવાને કારણે કોઈ પણ પ્રકારના જાન-માલના નુકસાનના સમાચાર નથી, પરંતુ વારંવાર આવતા આંચકાઓએ લોકોની ચિંતામાં વધારો કર્યો છે.
અગાઉ 4.4ની તીવ્રતાનો આવ્યો હતો ભૂકંપ
નોંધનીય છે કે, હજુ ગયા મહિને જ એટલે કે 26 ડિસેમ્બર 2025ના રોજ રાપરના ગેડી ગામ પાસે 4.4ની તીવ્રતાનો શક્તિશાળી આંચકો અનુભવાયો હતો. તે સમયે રાપર ઉપરાંત ભચાઉ અને અંજાર સુધી ધ્રુજારી અનુભવાઈ હતી. ત્યારબાદ સતત નાના-મોટા આફ્ટર શોક્સ આવવાનો સિલસિલો યથાવત રહ્યો છે.
શા માટે કચ્છમાં વારંવાર આવે છે ભૂકંપ?
ગુજરાતનો કચ્છ જિલ્લો ભૂસ્તરશાસ્ત્રીય દ્રષ્ટિએ અત્યંત સંવેદનશીલ માનવામાં આવે છે.
- ઝોન-5 માં સમાવેશ: કચ્છ ભારતની સૌથી જોખમી ગણાતી 'ભૂકંપ ઝોન-5' માં આવે છે.
- ફોલ્ટ લાઇન: અહીં ધરતી નીચે અનેક સક્રિય ફોલ્ટ લાઇન્સ આવેલી છે, જેમાં થતી હલચલને કારણે અવારનવાર મધ્યમ અને ઓછી તીવ્રતાના આંચકા નોંધાય છે.
Click it and Unblock the Notifications
Sign in with Google
