લોકસભા ચૂંટણીઃ ગુજરાતના ઉમેદવારો પર એક નજર

Updated: Tuesday, April 29, 2014, 13:13 [IST]

ગાંધીનગર, 4 એપ્રિલઃ લોકસભા ચૂંટણીનો માહોલ દેશભરમાં જોવા મળી રહ્યો છે. દેશની બે મુખ્ય પાર્ટીઓ કોંગ્રેસ અને ભાજપ દ્વારા દેશભરમાં ચૂંટણી સભાઓ સંબોધવામાં આવી રહી છે. એક તરફ ભાજપના પીએમ પદના ઉમેદવાર નરેન્દ્ર મોદી દેશના ખૂણે ખૂણે પહોંચીને ભાજપ તરફી લહેર જગાવી રહ્યાં છે, તો બીજી તરફ મોદીની આંધીને રોકવા માટે વિવિધ પાર્ટીના દિગ્ગજ નેતાઓ મેદાનમાં ઉતર્યા છે. કોંગ્રેસની વાત કરવામાં આવે તો સોનિયા ગાંધી અને રાહુલ ગાંધી કોંગ્રેસની શાખ બચાવવા માટે જનસભાઓ સંબોધી રહ્યાં છે.

વાત ગુજરાતની કરવામાં આવે તો આ વખતની લોકસભાની ચૂંટણીમાં ગુજરાત પર પણ દેશની જનતાનું અને રાજકિય વિશ્લેષકોનું વિશેષ ધ્યાન રહેશે, કારણ કે વડોદરા બેઠક પરથી રાજ્યના મુખ્યમંત્રી નરેન્દ્ર મોદી ચૂંટણી લડી રહ્યાં છે. આ ઉપરાંત ગુજરાતમાં 26 બેઠકો પર વિજય હાંસલ કરવાનું દબાણ પણ ભારતીય જનતા પાર્ટી છે. કારણ કે રાજ્યની ચૂંટણીમાં ભાજપ ભલે ભારે બહુમતી મેળવતું હોય પરંતુ લોકસભાની ચૂંટણીમાં તે 16 કે 18 બેઠકો સુધી સિમિત રહી જાય છે, ત્યારે આ વખતે ભાજપનો લક્ષ્યાંક ગુજરાતમાં 26 બેઠકોનો છે. અહીં લોકસભાની ચૂંટણીમાં ભાજપ, કોંગ્રેસ, એનસીપી અને આમ આદમી પાર્ટી દ્વારા જાહેર કરવામાં આવેલા ઉમેદવારો અને તેમની બેઠક જણાવવામાં આવી છે. તો ચાલો તસવીરો થકી કઇ બેઠક પર કયો ઉમેદવાર છે તે જાણીએ.