લોકસભા ચૂંટણીઃ મોદીના ગઢમાં 30મી એપ્રિલે મતદાન

ગાંધીનગર, 5 માર્ચઃ મુખ્ય ચૂંટણી પંચ દ્વારા આજે લોકસભા ચૂંટણી માટે મતદાન કરવાની તારીખો જાહેર કરવામાં આવી છે, જે અનુસાર ગુજરાતમાં 30 એપ્રિલે લોકસભા ચૂંટણી માટે મતદાન કરવામાં આવશે. આ વખતે ગુજરાતમાં માત્ર એક જ તબક્કે મતદાન થનારું છે. જ્યારે મત ગણતરી 16મે કરવામાં આવશે.

લોકસભાની ચૂંટણી માટે મતદાનની તારીખોની જાહેરાત નવી દિલ્હી ખાતે મુખ્ય ચૂંટણી પંચ દ્વારા કરવામાં આવી છે. જેમાં વિવિધ રાજ્યોમાં ક્યારે અને કેટલા ચરણમાં મતદાન થશે એ અંગે જણાવાયું છે. દેશભરમાં કુલ 9 ચરણોમાં જ્યારે કાશ્મીરમાં 5 ચરણોમાં મતદાન કરવામાં આવશે. ગુજરાત અંગે વાત કરવામાં આવે તો ગુજરાતમાં લોકસભા ચૂંટણી અને પેટા ચૂંટણી 30 એપ્રિલે એક જ તબક્કામાં ઉજવાશે. રાજ્યમાં 9મી એપ્રિલે ઉમેદવારી પત્ર ભરવામાં આવશે, 30મી એપ્રિલે મતદાન કરવામાં આવશે અને 16મી એપ્રિલે લોકસભા ચૂંટણીની મતગણતરી હાથ ધરવામાં આવશે

નોંધનીય છે કે, આ પહેલાં 2004માં જ્યારે લોકસભાની ચૂંટણી થઇ હતી ત્યારે 20 એપ્રિલે થઇ હતી અને 2009માં યોજાયેલી લોકસભાની ચૂંટણી માટે 30 એપ્રિલે જ મતદાન થયું હતું.