મોદીની સુરક્ષાવાન લીમડી પાસે કૂવામાં પડી, 10નાં મોત
પ્રાપ્ત માહિતી અનુસાર સુરક્ષાવાનમાં ડ્રાઇવર, મહિલા કોન્સ્ટેબલ્સ અને પુરુષ કોન્સ્ટેબલ્સ હતા. સવારે દાહોદથી પરત ફરતા સમયે જ્યારે સુરક્ષાવાન લીમડી પાસે પહોંચી હતી ત્યારે ડ્રાઇવરને હાર્ટએટેક આવ્યો હતો. જેના કારણે વાન પરનું બેલેન્સ તેમણે ગુમાવ્યું હતું. આ કારણે આખી વાન રોડ પાસે આવેલા કૂવામાં જઇને પડી હતી. કૂવો ભરેલો હતો.
આ દુર્ઘટનાને પગલે તાત્કાલિક 108 આવી ગઇ હતી. તમામને નાની મોટી ઇજા પહોંચી હતી. કોન્લ્ટેબલમાંથી 12ને નજીકની હોસ્પિટલમાં દાખલ કરવામાં આવ્યા હતા. આ ઘટના દાહોદ જિલ્લાના ઝાલોદમાં આવેલા સાપોઇ ગામ પાસે બની હતી. આ દુર્ઘટનામાં 6 મહિલાઓ અને 4 પુરુષોના મોત નીપજ્યાં હોવાના અહેવાલ મળી રહ્યા છે.
ઉલ્લેખનીય છે કે ચૂંટણી પ્રચારને ધ્યાનમાં રાખીને નરેન્દ્ર મોદી દરરોજ સવારે સાંજથી ગુજરાતના બીજા તબક્કાની વિવિધ બેઠકોમાં રૂબરૂ જઇને જાહેર સભાને સંતોષી રહ્યા છે અને લોકોને મતદાન કરવા માટે પ્રેરણા આપી રહ્યા છે. તેમના અતિ વ્યસ્ત કાર્યક્રમોને કારણે તેમની સાથેનો કાફલો પણ દરેક જગ્યાએ તેમની સાથે રહે છે.
Click it and Unblock the Notifications
Sign in with Google
