નરેન્દ્ર મોદી 14 ડિસેમ્બરે 7 જાહેરસભા સંબોધશે

Updated: Friday, December 14, 2012, 18:13 [IST]

અમદાવાદ, 13 ડિસેમ્બર : ગુજરાતમાં 17 ડિસેમ્બરના રોજ યોજાનારી ગુજરાત વિધાનસભા ચૂંટણી 2012ના બીજા તબક્કાના ઉમેદવારોના પ્રચારાર્થે ગુજરાતના મુખ્યમંત્રી નરેન્દ્ર મોદી 14 ડિસેમ્બરના રોજ 7 જાહેરસભાઓને સંબોધન કરશે. સાથે સાથે મોદી 14 ડિસેમ્બરે છેલ્લીવાર પોતાની 3ડી સભા સંબોધશે. તેઓ 3ડી ટેકનોલોજી દ્વારા એકસાથે 53 સભાઓ ગજવશે.

મુખ્યમંત્રી નરેન્દ્ર મોદી સવારે 9.00 કલાકે આઈ.ટી.આઈ.ની સામે, દાહોદ રોડ, ઝાલોદમાં પ્રથમ જાહેરસભા સંબોધી પોતાનો ઝંઝાવાતી પ્રચાર પ્રારંભ કરશે. મોદી સાંજે 7.30 કલાકે સેવન ડે હાઈસ્કુલ, ગુરુજી બ્રીજના નાકે, ખોખરા, અમદાવાદ ખાતે અંતિમ સભાને સંબોધન કરશે.

14 ડિસેમ્બરના રોજ મુખ્યમંત્રી ઝાલોદ ખાતે જાહેરસભાને સંબોધી સવારે 10.00 કલાકે જી.બી. ડામોર ઈંગ્લિશ મીડીયમ સ્કુલ, સંતરામપુર રોડ, મોરવા હડપ, 11.30 કલાકે ચંકોરી, પાદરા ખાતે, 12.45 કલાકે ચકડોળ ગ્રાન્ડ, ખંભાત ખાતે જાહેરસભાને સંબોધન કરશે.

તેઓ બપોરે 2.00 કલાકે વ્યાયામશાળા મેદાન, આણંદ ખાતે, 3.15 કલાકે વૈશાલી સિનેમા પાસે, ખેડ ટસીયા રોડ, હિમ્મતનગર ખાતે અને અંતિમ સભા સાંજે 7.30 કલાકે સેવન ડે હાઈસ્કુલ, ગુરુજી બ્રીજના નાકે, ખોખરા, અમદાવાદ ખાતે સંબોધી ગાંધીનગર પરત આવશે.