જાણો તમારા ઉમેદવારને: ભુજથી ભાજપના નીમાબેન આચાર્ય

ગુજરાતમાં રાજકીય પક્ષો દ્વારા વિધાનસભાની ચૂંટણીમાં ઉમેદવારોના નામ જાહેર કરવામાં આવ્યા હતા. જેમાં ભુજ સીટ પરથી ભાજપના નીમાબેન આચાર્યને ટિકિટ આપવામાં આવી છે. નીમાબેન આચાર્ય વિષે થોડુ જાણીએ

ગુજરાત વિધાનસભાની ચૂંટણીમાં ભાજપનો દાવો છે કે તે એક એક બેઠક પર પોતાની નજર બનાવીને આ ચૂંટણી લડી રહી છે. વળી વિધાનસભાની સીટ પરના ઉમેદવારોની યાદી અને વિવાદો પણ આ ચૂંટણીને વધારે રસપ્રદ બનાવી રહ્યા છે, ત્યારે 18 નવેમ્બરના ભાજપ દ્વારા ઉમેદવારોની બીજી યાદી બહાર પાડવામાં આવી છે. આ યાદીમાં ભુજ વિધાનસભા સીટ પરના ઉમેદવાર તરીકે નીમાબેન આચાર્યની પસંદગી કરવામાં આવી છે. તો નીમાબેન આચાર્ય વિષે થોડુ જાણીએ. 66 વર્ષના નીમાબેન આચાર્ય ભુજના હાલના ધારાસભ્ય છે. તેમણે ગુજરાત યુનિવર્સિટીથી એમ.ડી. સુધીનો અભ્યાસ કર્યો છે. તેમની કુલ સંપત્તિ લગભગ 34 કરોડ જેટલી છે. તેમનો મુખ્ય વ્યવસાય ડોક્ટરનો છે.

ભુજ કચ્છનું મુખ્ય વહીવટી વિસ્તાર છે. ભુજયા ડુંગરથી જાણીતું ભુજ એક ઐતિહાસિક શહેર છે. આ વિધાનસભાની 3જા નંબરની સીટ છે. વર્ષ 2012માં યોજાયેલી વિધાનસભાની ચૂંટણીમાં નીમાબેન આચાર્યએ કોંગ્રેસના અમીરાલી હજ્જીહુસેન લોઢિયાને હરાવ્યા હતા. નીમાબેન આચાર્યએ 69,174 મતોથી જીત મેળવી હતી. માટે જ આ વખતે ભાજપે તેમને ફરી રિપીટ કર્યા છે.

English summary

nimaben acharya bjp candidate from bhuj assembly seat. Read More detail here.