સુરતમાં છડે ચોક ચપ્પુની અણીએ લૂંટ, ઘટનાનો વીડિયો વાયરલ
ગુજરાતમાં સુશાસનના દાવાઓ વચ્ચે ગુનેગારો બેફામ ફરી રહ્યા છે. એક દિવસ એવો નથી હોતો કે રાજ્યમાં હત્યા કે લૂંટની ઘટનાઓ ન બની હોય. હવે તો હાલત એ છે કે મહાનગરોમાં છડે ચોક લુટારાઓ લૂંટને અંજામ આપી રહ્યો છે. લાગે છે કે રાજ્યમાં
ગુજરાતમાં સુશાસનના દાવાઓ વચ્ચે ગુનેગારો બેફામ ફરી રહ્યા છે. એક દિવસ એવો નથી હોતો કે રાજ્યમાં હત્યા કે લૂંટની ઘટનાઓ ન બની હોય. હવે તો હાલત એ છે કે મહાનગરોમાં છડે ચોક લુટારાઓ લૂંટને અંજામ આપી રહ્યો છે. લાગે છે કે રાજ્યમાં હવે ગુનેગારોને પોલીસની કોઈ બીક નથી રહી.
ગુજરાતમાં ગુનાખોરીમાં અવ્વલ સુરતમાં વધુ એક ઘટના સામે આવી છે. સુરતના રાવતપુરા વિસ્તારમાં ચપ્પુની અણીએ લૂંટ થઈ છે. સૌથી મોટી વાત એ છે કે આ ઘટનાનો વીડિયો સોશિયલ મીડિયા પર વાયરલ થઈ રહ્યો છે. રાવતપુરા વિસ્તારમાં કેટલાક યુવાનો જુગાર રમી રહ્યા હતા તે દરમિયાન બે શખ્સો આવ્યા હતા અને જુગાર રમતા યુવાનોને લૂંટીને ફરાર થઈ ગયા હતા. આ લૂંટ લિંબાયતના કુખ્યાત ગુનેગાર વિક્રમે કરી હોવાનું સામે આવ્યુ છે. લૂંટ કરવા આવેલો આરોપી રીઢો ગુનેગાર છે. ભૂતકાળમાં પણ તેનો એક વીડિયા વાયરલ થયો હતો.આ મામલે તેની વિરુદ્ધ ગુનો દાખલ થયો હતો.
સુરતમાં ગુનાખોરી વધતા પોલીસની નિષ્ક્રિયતા પર સતત સવાલો ઉભા થઈ રહ્યા છે. સુરતમાં હવે ગુનેગારોન પોલીસનો કોઈ ડર નથી એવુ લાગી રહ્યું છે. છડે ચોક આરોપીઓ ચપ્પુ બતાવી લોકોને લુંટે ત્યારે પોલીસ પર સવાલ ઉઠે તે સ્વભાવિક છે. આરોપીઓ ચપ્પુની અણીએ રોકડા રૂપિયા લઈને ફરાર થઈ ગયા. આ ઘટનાનો વીડિયો હવે સોશિયલ મીડિયામાં ફરી રહ્યો છે ત્યારે પોલીસ શું કાર્યવાહી કરે છે જોવું રહ્યું.
Click it and Unblock the Notifications
Sign in with Google
