સાબર ડેરી સામે પશુપાલકોનો વિરોધ, દૂધની આવકમાં મોટો ઘટાડો નોંધાયો
સાબર ડેરી સામે પશુપાલકોની પાંચ દિવસથી ચાલી રહેલી હડતાળને કારણે દૂધની આવકમાં અત્યાર સુધીનો સૌથી મોટો ઘટાડો નોંધાયો છે.
દૂધના ભાવમાં વધારાની માંગ સાથે પશુપાલકોએ સાબર ડેરીમાં દૂધ ભરવાનું બંધ કર્યુ છે, જેના પરિણામે ડેરીમાં દૈનિક આવક 26 લાખ લિટરથી ઘટીને હવે માત્ર 10 લાખ લિટર જેટલી રહી છે.
ડેરી સંચાલકોએ દૂધની અછત સામે પગલાં રૂપે ભેસના દૂધનુ વેચાણ હાલ પૂરતું બંધ કરી દીધુ છે. દૂધની આવકમાં ઘટાડાને કારણે ભેસના દૂધમાંથી બનેલ ઉત્પાદનોનું ઉત્પાદન તાત્કાલિક અસરથી રોકવામાં આવ્યું છે.
છેલ્લા બે દિવસથી ડેરીના દૂધ અને છાશના પાઉચનું વિતરણ બંધ હતું. પરંતુ હવે પોલીસ બંદોબસ્ત તથા ડેરીના બાઉન્સરોની હાજરીમાં પાઉચ સાબરકાંઠા અને આસપાસના જિલ્લાઓના અમુલ પાર્લરો સુધી પહોંચાડવામાં આવી રહ્યા છે.
વિશેષ રૂપે અરવલ્લી જિલ્લામાં તમામ અમુલ પાર્લર પર દૂધ અને છાશનો જથ્થો ઉપલબ્ધ કરાવવામાં આવ્યો છે.
હાલ ભેસનું દૂધ ઉપલબ્ધ ન હોવાથી તેના સ્ટોકમાં પણ ખોટ જોવા મળી રહી છે. ડેરી પ્રશાસન તરફથી હાલમાં સુધી આંદોલન શાંત કરવાનો કોઇ સકારાત્મક સંકેત મળ્યો નથી, જેના લીધે અચોક્કસ સમય સુધી દૂધની અછત રહેશે તેવી શક્યતા સેવાઈ રહી છે.
Click it and Unblock the Notifications
Sign in with Google
