ગુજરાતમા સાર્વત્રિક વરસાદ, આાવતા 5 દિવસ રાજ્યમાં ભારે વરસાદની આગાહી

લાંબા વિરામ બાદ રાજ્યમાં વરસાદની ધમાકેદાર એન્ટ્રી થઈ છે. પહેલા રાઉન્ડ બાદ વરસાદ ખેંચાતા સૌરાષ્ટ્ર સહિતના વિસ્તારોમાં પાક નિષ્ફળ જવાની નોબત આવી ગઈ હતી. હવે વરસાદ મન મુકીને વરસતા ખેડુતોના જીવમાં જીવ આવ્યો છે. રાજ્યમાં સાર્વત્રિક વરસાદની સ્થિતી વચ્ચે આવનારા 5 દિવસ રાજ્યમાં ભારે વરસાદની આગાહી હવામાન વિભાગે કરી છે. આ ઉપરાંત દરિયાકાંઠાના વિસ્તારોમાં 30થી 40 કિલોમીટરની ઝડપે પવન ફૂંકાઈ શકે છે. માછીમારોને દરિયો ન ખેડવા પણ સૂચના આપવામાં આવી છે.

સૌરાષ્ટ્રની વાત કરીએ તો દેવભુમી દ્વારકાના કલ્યાણપુર તાલુકામાં ભારે નોંધાયો છે. વરસાદને લઈને ભોગાત-ભાટીયા માર્ગ પર પાણી ફરી વળ્યા હતા. આ ઉપરાંત જામનગર જિલ્લાના કાલાવાડ તાલુકામાં પણ સારો વરસાદ નોંધાયો છે.

અમરેલી જિલ્લામાં ધારી પંથકમાં સતત ત્રીજા દિવસે પણ ધોધમાર વરસાદ નોંધાયો છે. ધારી શહેર અને તાલુકાના ગ્રામ્ય વિસ્તારોમાં વરસાદ વરસ્યો છે. ધારી તાલુકાના ગોપાલગ્રામ, હુડલી, ઝર, મોરઝર, ઢોલરવા, સરસિયા સહિતના ગામોમાં વરસાદ વરસ્યો છે. વાવણી બાદ વરસાદથી ખેડૂતોના કપાસ, મગફળી સહિતના પાકોને ફાયદો થશે. આ ઉપરાંત સૌરાષ્ટ્રમાં પોરબંદર જિલ્લાના રાણાવાવ અને બરડા પંથકમાં વરસાદ નોંધાયો છે. વેરાવળની વાત કરીએ તો વેરાવળમાં પણ વહેલી સવારથી જ વરસાદ નોંધાયો હતો. ભારે વરસાદને પગલે વેરાવળ શહેરના રસ્તાઓ પર પાણી ભરાયા હતા. વેરાવળ પાસેથી પસાર થતી દેવકા નદીમા નવા નીર આવ્યા હતા.

English summary

The meteorological department has forecast heavy rains in the state for the next five days