સુરતઃ આઇઓસી પ્લાન્ટમાંથી બે મૃતદેહો મળ્યાં

સુરત, 6 જાન્યુઆરીઃ સુરતના હજીરા નજીકના આઇઓસી પ્લાન્ટમાં લાગેલી ભીષણ આગમાં બે લોકોના મોત નીપજ્યાં છે. આજે સવારે આઈઓસી પ્લાન્ટ પાસેથી બે મૃતદેહો મળી આવ્યા છે. મૃતદેહોની ઓળખ કરવામાં આવી રહી છે. જ્યારે બીજી તરફ આ આગના કારણે આઇઓસીનું 50 કરોડનું ઓઇલ સળગી ગયું હોવાની આશાંકા દર્શાવવામાં આવી રહી છે.

શનિવારે બપોરે આઇઓસીના પ્લાન્ટમાં ભીષણ આગ લાગી હતી. આગ પર કાબુ મેળવવા માટે 50 જેટલા ફાયર ફાઇટર્સ ઘટના સ્થળે મોકલવામાં આવ્યા હતા. સુરત ઉપરાંત વડોદરાના ફાયર બ્રિગેડની પણ મદદ લેવામાં આવી રહી છે.

સૂત્રો અનુસાર આઇઓસીના 4 નંબરના ટેન્કમાં એક જોરદાર ધડાકા સાથે વિસ્ફોટ થયો હતો અને આગ લાગી હતી. ધડાકો દૂર સુધી સંભળાયો હતો અને આગ ચારથી પાંચ કિલોમિટર સુધી દેખાઇ રહી હતી. એક ટેન્કમાં આગ લાગ્યા બાદ તેના પર કાબુ મેળવ્યો ત્યાં જ આગ બીજા ટેન્કમાં પણ લાગી ગઇ હતી. આગે એટલું વિકરાળ સ્વરૂપ ધારણ કરી લીધું હતું કે કલેક્ટર કચેરીના અધિકારીઓ પર ઘટના સ્થળે પહોંચી ગયા હતા અને લોકોને સલામત સ્થળે ખસેડવાનું કાર્ય હાથ ધર્યું હતું. રેપિડ એક્શન ફોર્સની પણ મદદ લેવામાં આવી હતી.

English summary

Two dead body found from IOC plant at hazira near sarat. on satetday Fire engulfs two plant of IOC.