'વિગ્નેશ મારી ઓફિસમાં હતો અને અમે નજીક આવી ગયા હતા', ફેમસ એક્ટ્રેસનો મોટો ખુલાસો, વર્ષો પછી સામે આવ્યું આવું સ
તમિલ અને મલયાલમ ફિલ્મ ઉદ્યોગમાં પોતાના ગ્લેમરસ અંદાજ અને આઈટમ સોંગ્સથી ઓળખ બનાવનાર અભિનેત્રી સોના હેડન ફરી એકવાર ચર્ચામાં છે. તાજેતરમાં એક ઇન્ટરવ્યુમાં, સોના હેડને પોતાના અંગત જીવન તેમજ ફિલ્મ જગત વિશેના અનેક ચોંકાવનારા ખુલાસા કર્યા. તેમણે ખાસ કરીને સાઉથ ઇન્ડસ્ટ્રીના જાણીતા નિર્દેશક વિઘ્નેશ શિવન સાથેના પોતાના જૂના સંબંધો અને ગાઢ બંધન વિશે સ્પષ્ટપણે વાત કરી.
સોના હેડનના દાવા મુજબ, તેમના કારકિર્દીના પ્રારંભિક દિવસોમાં વિઘ્નેશ શિવન તેમની ઓફિસમાં કામ કરતા હતા. તે દરમિયાન જ બંને વચ્ચે નિકટતા વધી અને એક ઊંડો સંબંધ બંધાયો. તેમના આ નિવેદને સોશિયલ મીડિયાથી લઈને દક્ષિણ ફિલ્મ ઉદ્યોગ સુધી ખળભળાટ મચાવી દીધો છે, જે હાલમાં ભારે ચર્ચાનો વિષય બન્યો છે.
ઇન્ટરવ્યુ દરમિયાન સોના હેડને જણાવ્યું કે, "વિઘ્નેશ મારી ઓફિસમાં હતા અને અમે નજીક આવી ગયા હતા." તેમણે વધુમાં ઉમેર્યું કે વિઘ્નેશ શિવને લગભગ ત્રણ વર્ષ સુધી તેમની ઓફિસમાં કામ કર્યું હતું. તે સમયને યાદ કરતાં, તેમણે કહ્યું કે વિઘ્નેશે તેમને દરેક પગલે ટેકો આપ્યો હતો અને બંને વચ્ચે ખૂબ ગાઢ મિત્રતા વિકસી હતી.
સોના હેડન અનુસાર, "અમે બંને એકબીજાની ખૂબ નજીક આવી ગયા હતા. સાચું કહું તો, મને તેમની સાથે પ્રેમ થઈ ગયો હતો." તેમણે એમ પણ જણાવ્યું કે, "અમારા વચ્ચે એક વિશેષ બંધન હતું, પરંતુ પાછળથી કોઈ લડાઈ-ઝઘડા વગર તેઓ મારા જીવનમાંથી દૂર ચાલ્યા ગયા."
જોકે, સોનાએ સ્પષ્ટ કર્યું કે વિઘ્નેશ શિવન પ્રત્યે તેમને કોઈ ફરિયાદ નથી. તેમના મંતવ્ય મુજબ, વિઘ્નેશ એક સારા વ્યક્તિ છે અને જીવનના બદલાતા સંજોગો લોકોને અલગ-અલગ માર્ગે દોરી જાય છે. આ બદલાવ કુદરતી છે તેમ તેમણે સમજાવ્યું.
એક તરફ જ્યાં સોના હેડને પોતાના જૂના સંબંધો વિશે ખુલીને વાત કરી, ત્યાં બીજી તરફ તેમણે અભિનેત્રી નયનતારા માટે પણ ગાઢ સન્માન વ્યક્ત કર્યું. સોનાએ જણાવ્યું કે નયનતારાની મહેનત અને સંઘર્ષ તેમને હંમેશા પ્રેરણા આપે છે અને તેમાંથી ઘણું શીખવા મળે છે.
સોના હેડને વધુમાં કહ્યું, "હું પણ એક સ્ત્રી છું અને જીવનમાં અનેક મુશ્કેલીઓનો સામનો કરી ચૂકી છું. નયનતારાએ પણ પોતાની કારકિર્દીમાં ઘણું દબાણ અને પડકારો સહન કર્યા છે, તેથી હું હંમેશા તેમની સફરના વખાણ કરું છું."
તેમણે એ પણ ઉમેર્યું કે દરેક વ્યક્તિ પર વિશ્વાસ કરવો સહેલો નથી, પરંતુ વિઘ્નેશ શિવન એવા ગણ્યા-ગાંઠ્યા લોકોમાં સામેલ હતા જેમની સાથે તેઓ હંમેશા પોતાના દિલની વાત ખુલીને શેર કરી શક્યા હતા.
ઇન્ટરવ્યુ દરમિયાન સોના હેડને પોતાના જીવનને લગતી અન્ય એક મોટી જાહેરાત પણ કરી હતી. તેમણે જણાવ્યું કે તેઓ હવે પોતાના અંગત જીવન પર આધારિત બાયોપિક બનાવવાની તૈયારી કરી રહ્યા છે, જે ટૂંક સમયમાં શરૂ થશે.
સોના હેડન મુજબ, લોકોએ તેમના વિશે અત્યાર સુધી જે કંઈ સાંભળ્યું છે તે સંપૂર્ણ સત્ય નથી. તેમણે કહ્યું, "મારા જીવનમાં જે કંઈ બન્યું તે એટલું સરળ નથી કે દરેકને કહી શકું, તેથી હવે હું મારી વાર્તા જાતે જ દુનિયા સમક્ષ રજૂ કરવા માંગું છું."
તેમણે આગળ કહ્યું કે તેમની બાયોપિકમાં ઘણા એવા સત્યો સામે આવશે જેનાથી લોકો હજુ અજાણ છે. જોકે, તેમણે હાલમાં આ વિશે વધુ માહિતી આપવાનો ઇનકાર કર્યો છે.
ફિલ્મોથી લઈને વિવાદો સુધી, સોના હેડન લાંબા સમયથી તમિલ અને મલયાલમ ઇન્ડસ્ટ્રીનો જાણીતો ચહેરો રહી છે. તેમણે ઘણી ફિલ્મોમાં કામ કર્યું અને પોતાના બોલ્ડ અંદાજને કારણે ખૂબ લોકપ્રિયતા મેળવી. બીજી તરફ, વિઘ્નેશ શિવને ફિલ્મ 'પોડા પોડી'થી દિગ્દર્શનમાં પ્રવેશ કર્યો હતો.
બાદમાં, 'નાનુમ રાઉડી દાન' ફિલ્મના શૂટિંગ દરમિયાન વિઘ્નેશ શિવન અને સાઉથની લેડી સુપરસ્ટાર નયનતારા વચ્ચે નિકટતા વધી અને આખરે બંનેએ લગ્ન કર્યા. આ જોડી દક્ષિણ ભારતમાં ભારે લોકપ્રિય છે.
સોના હેડનના આ ઇન્ટરવ્યુ બાદ સોશિયલ મીડિયા પર વિવિધ પ્રતિક્રિયાઓ જોવા મળી રહી છે. કેટલાક લોકો તેમની હિંમતની પ્રશંસા કરી રહ્યા છે, તો કેટલાક તેમના જૂના સંબંધો વિશે ચર્ચા કરી રહ્યા છે. આ ઉપરાંત, તેમની આગામી બાયોપિકને લઈને પણ ચાહકોમાં ઉત્સુકતા વધી ગઈ છે.
Click it and Unblock the Notifications
Sign in with Google
