Video : જામનગરમાં બીજેપીના જ બે મહિલા નેતા વચ્ચે જાહેરમાં બબાલ, જાણો શું છે પુરી ઘટના?
જામનગરમાં બીજેપીના મહિલા નેતાઓ વચ્ચે મોટી બબાલ સામે આવી છે. અહેવાલો અનુસાર, મારી માટી, મારો દેશ કાર્યક્રમમાં બીજેપીના ત્રણ મોટા મહિલા નેતા સામસામે આવી ગયા હતા.
હાલ સોશિયલ મીડિયા પર એક વીડિયો વાયરલ થઈ રહ્યો છે. આ વીડિયોમાં જોઈ શકાય છે કે જામનગરના ધારાસભ્ય રિવાબા જાડેજા અને મેયર બીનાબેન કોઠારી વચ્ચે ઉગ્ર બોલાચાલી થઈ રહી છે. ત્યારબાદ પૂનમ માડમની એન્ટ્રી થાય છે. વીડિયોમાં જામનગર એસપી અને કમિશનર મામલો થાળે પાડતા જોઈ શકાય છે.
આ વીડિયો વાયરલ થઈ રહ્યો છે. જો કે હજુ એ સ્પષ્ટ થયુ નથી કે આ બબાલ કેમ થઈ? મારી માટી, મારો દેશ કાર્યક્રમ કોઈ કારણસર રિવાબા જાડેજા ગુસ્સે ભરાયા હતા. ચાલુ કાર્યક્રમમાં જ MLA રિવાબા જાડેજા મેયર બીનાબેન કોઠારી પર વરસતા જોઈ શકાય છે. આ દરમિયાન સાંસદ પુનમ માડમ વચ્ચે પડ્યા હતા. જો કે રિવાબાએ તેમને પણ ન છોડ્યા અને બીનાબેનનો ગુસ્સો તેમના પર ઠાલવી દીધો.
#gujarat #jamnagar ના @BJP4Gujarat mla @rivaba4_Bjp આમ તો પ્રથમ વાર mla બન્યા છે પણ જાહેર માં પોતાના જ પાર્ટીના સિનિયર સાથે કેવી રીતે વર્તન કરવું એનું "પ્રશિક્ષણ" કદાચ મળ્યું નથી. સાંસદ @PoonambenMaadam તથા જામનગર ના મેયર સાથે જાહેર માં તું તું મેં મેં@BJP4Gujarat લેશે પગલાં? pic.twitter.com/zu2F21lyND
— kinjal mishra (@kinjalmishra211) August 17, 2023
વીડિયોમાં રિવાબા જાડેજા પૂનમ માડમને કહી રહ્યા છે કે સળગાવવા વાળા તમે જ છો એટલે હવે ઠારવાનો પ્રયાસ ન કરો. આ દરમિયાન શહેર ભાજપ પ્રમુખ વિમલ કગથરાએ ધારાસભ્ય રિવાબા જાડેજાને સમજાવવાનો પ્રયાસ કર્યો. આ ઘટનાનો વીડિયો હવે ઝડપથી વાયરલ થઈ ગયો છે.
Click it and Unblock the Notifications
Sign in with Google
