ખેડૂતોની ઈચ્છા વગર નહીં બને ‘સર’ : મોદી

ગાંધીનગર, 12 જુલાઇ : સ્પેશ્યલ ઇન્વેસ્ટમેન્ટ રિજન એટલે કે ‘સર'નો મુદ્દો ગુજરાતમાં દિવસે દિવસે ગૂંચવાઇ રહ્યો હતો. આ મુદ્દે છેલ્લા ઘણા સમયથી કેડૂતો દ્વારા રજૂઆતો કરવામાં આવી હતી. હવે ગુજરાતના મુખ્યમંત્રીએ ખેડૂતોના આક્રોશને સાંભળ્યો છે. ગુરુવારે સાંજે ગાંધીનગર ખાતે રાજ્યના 100થી વધુ અસરગ્રસ્ત ખેડૂતોએ ‘સર' મુદ્દે મુખ્યપ્રધાન નરેન્દ્ર મોદી સાથે બેઠક કરી હતી.

માંડલ બેચરાજી સ્પેશિયલ ઈન્વેસ્ટમેન્ટ રિજિયન (સર)થી પ્રભાવિત આ ખેડૂતોએ સવારથી મુખ્યપ્રધાન સાથે મુલાકાત માટે ગાંધીનગર ખાતે પહોંચ્યા હતા. ભારતીય કિસાન સંઘના પરાધિકારીઓ, ભારતીય જનતા પક્ષના આગેવાનો સહિત અગ્રણી ખેડૂતોએ મુખ્યપ્રધાન સમક્ષ રજૂઆત કરતા જણાવ્યું કે સર માટે તેઓ કોઈ પણ સંજોગોમાં તેમની જમીન આપવા માંગતા નથી.

મુખ્યમંત્રી નરેન્દ્ર મોદીએ પણ ખેડૂતોને સાંત્વના આપતા જણાવ્યું કે ખેડૂતોની મરજી વિના તેમની જમીન સંપાદિત નહીં કરવામાં આવે. વધુમાં તેમણે જણાવ્યું કે આગામી 15 ઓગસ્ટ સુધીમાં રાજ્ય સરકાર સર બાબતે યોગ્ય નિર્ણય જાહેર કરશે.

English summary

Without willingness of farmers no creation of 'Sir' : Modi