મહારાષ્ટ્રના બુલઢાણા જિલ્લામાં સર્જાયો અકસ્માત, 13 મજૂરોના મોત

મહારાષ્ટ્રના બુલઢાણા જિલ્લામાં સમૃદ્ધિ હાઇવે પ્રોજેક્ટ માટે મજૂરોને લઇ જતું વાહન પલટી જતાં બુલઢાણા રોડ અકસ્માતમાં 13 મજૂરોના મોત થયા છે. આ અંગે મળતી માહિતી મુજબ સમૃદ્ધિ હાઇવે પ્રોજેક્ટ પર કામ ચાલી રહ્યું છે.

મુંબઈ : મહારાષ્ટ્રના બુલઢાણા જિલ્લામાં એક મોટો અકસ્માત સર્જાયો છે. સમૃદ્ધિ હાઇવે પ્રોજેક્ટ માટે લઈ જવામાં આવી રહેલા મજૂરોથી ભરેલી ટ્રક અચાનક પલાઇ ગઈ હતી જેમા 16 મજૂરો સવાર હતા. આ અકસ્માતમાં 13 મજૂરોના મોતની માહિતી મળી રહી છે.

મહારાષ્ટ્રના બુલઢાણા જિલ્લામાં સમૃદ્ધિ હાઇવે પ્રોજેક્ટ માટે મજૂરોને લઇ જતું વાહન પલટી જતાં બુલઢાણા રોડ અકસ્માતમાં 13 મજૂરોના મોત થયા છે. આ અંગે મળતી માહિતી મુજબ સમૃદ્ધિ હાઇવે પ્રોજેક્ટ પર કામ ચાલી રહ્યું છે.

સિંધખેરાજા તાલુકાના તાધેગાંવ નજીક ડમ્પર પર લોખંડના સળિયા લઇ જવામાં આવી રહ્યા હતા. આ ડમ્પર ભારે વરસાદના કારણે ડમ્પર રસ્તા પરથી નીચે ઉતરી ગયું હતું અને બાદમાં પલટી ગયું હતું.

જે કારણે ડમ્પરમાં સવાર 16 મજૂરો તેની નીચે દટાઇ ગયા હતા. આ દુર્ઘટનામાં 8 મજૂરોનું ઘટનાસ્થળે જ મોત થયું હતું, જ્યારે બાકીના 5 મજૂરો હોસ્પિટલ લઈ જતા સમયે રસ્તામાં મૃત્યુ પામ્યા હતા.

હાલ ઘાયલ મજૂરોની સારવાર હોસ્પિટલમાં ચાલી રહી છે. આ ઘટનાની જાણ થતા પોલીસ ઘટના સ્થળે પહોંચી હતી અને 13 મજૂરોના મોતની પુષ્ટિ કરી હતી.

English summary

A major accident has occurred in Buldhana district of Maharashtra. A truck full of laborers carrying 16 workers aboard the Samrudhi Highway project suddenly fled. The accident killed 12 workers.