દેશમાં કોરોનાના કેસમાં આંશિક ઘટાડો થયો, છેલ્લા 24 કલાકમાં 18,738 નવા પોઝિટિવ કેસ નોંધાયા
કોરોના વાયરસ રોગચાળો હજૂ સંપૂર્ણ રીતે સમાપ્ત થયો નથી. જોકે, કોવિડના વધતા કેસ વચ્ચે રવિવારના રોજ થોડો ઘટાડો નોંધાયો હતો.
નવી દિલ્હી, 7 ઓગસ્ટ : કોરોના વાયરસ રોગચાળો હજૂ સંપૂર્ણ રીતે સમાપ્ત થયો નથી. જોકે, કોવિડના વધતા કેસ વચ્ચે રવિવારના રોજ થોડો ઘટાડો નોંધાયો હતો. કોરોના વાયરસ સંબંધિત ડેટા જાહેર કરતા કેન્દ્રીય સ્વાસ્થ્ય અને પરિવાર કલ્યાણ મંત્રાલયે જણાવ્યું હતું કે, છેલ્લા 24 કલાકમાં દેશમાં કોવિડ સંક્રમણના 18,738 નવા કેસ નોંધાયા છે. અગાઉ શનિવાર 6 ઓગસ્ટના રોજ 19406 નવા કેસ નોંધાયા હતા, જ્યારે આ સમયગાળા દરમિયાન 19928 દર્દીઓ સાજા થયા છે.
જોકે, રાહતની સૌથી મોટી વાત એ છે કે, કોરોના વાયરસથી સંક્રમિત દર્દીઓનો સ્વસ્થ થવાનો દર ફરી એકવાર વધી ગયો છે. આરોગ્ય મંત્રાલયના જણાવ્યા અનુસાર, દર્દીઓના સાજા થવાના દરમાં વધારાને કારણે દેશમાં કોરોના વાયરસના સક્રિય કેસ ઘટીને 1,34,933 થઈ ગયા છે. સ્વાસ્થ્ય મંત્રાલયે જણાવ્યું કે, દેશમાં કોરોના રોગચાળો શરૂ થયો ત્યારથી અત્યાર સુધીમાં કુલ 43484110 દર્દીઓ સાજા થયા છે. આ સિવાય કોરોના વાયરસના કારણે અત્યાર સુધીમાં 526689 લોકોના મોત થયા છે.
કોરોના રસીકરણ અભિયાન
આવા સમયે, દેશમાં કોરોના વાયરસ રોગચાળા સામે રસીકરણ અભિયાન પણ ચાલી રહ્યું છે અને અત્યાર સુધીમાં રસીના કુલ2,06,21,79,411 ડોઝ આપવામાં આવ્યા છે. તેમાંથી, છેલ્લા 24 કલાકમાં 32,73,551 ડોઝ આપવામાં આવ્યા હતા.
ગુજરાત કોરોના અપડેટ
ગુજરાતમાં શનિવારના રોજ કોરોના સંક્રમણના 965 નવા પોઝિટિવ કેસ નોંધાયા હતા. આ સાથે છેલ્લા 24 કલાકમાં 928 દર્દીઓ કોરોનામુક્ત થયા હતા. જેના કારણે રાજ્યમાં એક્ટિવ કેસમાં વધારો થયો છે. આ સાથે છેલ્લા 24 કલાક દરમિયાન રાજ્યમાં એકપણ કોવિડસંબંધિત મુત્યુ નોંધાયું નથી.
રાજ્યમાં એક્ટિવ કેસની સંખ્યા 6029 થઇ
હાલ રાજ્યમાં કુલ મૃત્યુઆંક 10,975 થયો છે. આ સાથે રાજ્યમાં કુલ 12,43,489 દર્દી સાજા થયા છે. હાલ રાજ્યમાં એક્ટિવ કેસની સંખ્યા6029 થઇ છે. જેમાંથી 18 ની હાલત ગંભીર છે, જ્યારે બાકીના લોકોની હાલત સ્થિર છે.
કુલ 11,85,87,706 કોરોના વેક્સિનના ડોઝ આપવામાં આવ્યા
રાજ્યમાં કોરોના સંક્રમણમાંથી મુક્ત થવાનો દર 98.65 ટકા છે. આ સાથે છેલ્લા 24 કલાક દરમિયાન 3,39,445 કોરોના વેક્સિનના ડોઝઆપવામાં આવ્યા છે. રાજ્યમાં કુલ 11,85,87,706 કોરોના વેક્સિનના ડોઝ આપવામાં આવ્યા છે. દેશમાં કોવિડના નવા દર્દીઓની સંખ્યામાંદરરોજ વધઘટ થઈ રહી છે.
Click it and Unblock the Notifications
Sign in with Google
