Monkeypoxના 2 કેસ આવ્યા સામે, કેન્દ્ર સરકાર એલર્ટ, એરપોર્ટ પર વિદેશી મુસાફરોની થશે કડક તપાસ

મંકીપૉક્સના બે કેસ સામે આવ્યા બાદ કેન્દ્ર સરકાર સતર્ક થઈ ગઈ છે.

નવી દિલ્લીઃ મંકીપૉક્સના બે કેસ સામે આવ્યા બાદ કેન્દ્ર સરકાર સતર્ક થઈ ગઈ છે. કેન્દ્ર સરકારે સોમવારે બંદરો અને એરપોર્ટને તમામ આંતરરાષ્ટ્રીય મુસાફરોની કડક આરોગ્ય તપાસ સુનિશ્ચિત કરવા જણાવ્યુ હતુ. કેન્દ્ર સરકારે કહ્યુ છે કે આમ કરવાથી મંકીપૉક્સનો ફેલાવો અટકી જશે. તાજેતરમાં કેરળમાં મંકીપૉક્સનો બીજો કેસ નોંધાયો હતો. સરકાર દ્વારા જાહેર કરાયેલા એક નિવેદનમાં જણાવવામાં આવ્યુ છે કે બેઠકમાં એરપોર્ટ અને પોર્ટના આરોગ્ય અધિકારીઓ અને આરોગ્ય તેમજ પરિવાર કલ્યાણની પ્રાદેશિક કચેરીઓના પ્રાદેશિક નિર્દેશકોએ હાજરી આપી હતી.

સરકાર દ્વારા જાહેર કરવામાં આવેલા એક નિવેદનમાં કહેવામાં આવ્યુ છે કે તમામ આવનારા આંતરરાષ્ટ્રીય મુસાફરોની કડક આરોગ્ય તપાસ સુનિશ્ચિત કરવાની સલાહ આપવામાં આવી છે. આની મદદથી દેશમાં મંકીપૉક્સના મામલાઓને નિયંત્રિત કરી શકાશે. બંદરો અને એરપોર્ટે આરોગ્ય મંત્રાલય દ્વારા આપવામાં આવેલી માર્ગદર્શિકાનુ પાલન કરવુ પડશે.

આ પહેલા સોમવારે કેરળનો એક 31 વર્ષીય વ્યક્તિ મંકીપૉક્સથી સંક્રમિત જોવા મળ્યો હતો. આ વ્યક્તિ કન્નુરની પરિયારામ મેડિકલ કોલેજમાં સારવાર હેઠળ છે અને તેની હાલત સ્થિર છે. રાજ્યના આરોગ્ય વિભાગે આ વાતની પુષ્ટિ કરી છે. ગયા અઠવાડિયે યુએઈથી કેરળ પરત ફરેલા એક વ્યક્તિનો મંકીપૉક્સ ટેસ્ટ પૉઝિટિવ આવ્યો હતો.

વર્લ્ડ હેલ્થ ઓર્ગેનાઈઝેશન (WHO) આ અઠવાડિયે 21 જુલાઈના રોજ મંકીપૉક્સના વધતા કેસોને લઈને એક બેઠક યોજશે. જેમાં તે વૈશ્વિક સ્વાસ્થ્ય કટોકટી છે કે નહીં તેના પર ચર્ચા કરશે. મંકીપૉક્સથી પ્રભાવિત લગભગ તમામ દર્દીઓ અત્યાર સુધીમાં પુરુષો છે જેમની સરેરાશ ઉંમર 37 વર્ષની છે. જેમાંથી ત્રણ અને પાંચમાની પુરુષો સાથે યૌન સંબંંધ રાખતા પુરુષો તરીકે થઈ છે.

English summary

2 Monkeypox Cases in india Centre Asks For Strict Screening Of Passengers