જેલમાં બંધ ક્રિશ્ચિયન મિશેલની પૂછપરછ કરવા માટે ઈડીને મળી મંજૂરી
ઓગસ્ટા વેસ્ટલેન્ડ મામલે તિહાર જેલમાં બંધ કથિત વચેટિયા ક્રિશ્ચિયન મિશેલની પૂછપરછ કરવાની મંજૂરી ઈડીને મળી ગઈ છે.
ઓગસ્ટા વેસ્ટલેન્ડ મામલે તિહાર જેલમાં બંધ કથિત વચેટિયા ક્રિશ્ચિયન મિશેલની પૂછપરછ કરવાની મંજૂરી ઈડીને મળી ગઈ છે. મંગળવારે સીબીઆઈ કોર્ટે ઈડીની અરજી પર સુનાવણી કરીને મિશેલની પૂછપરછની અનુમતિ આપી દીધી છે. આ પહેલા સોમવારે ઈડીએ ક્રિશ્ચિયન મિશેલની પૂર્વ પત્ની સાથે સંબંધિત મેસર્સ એસસીઆઈ સોલેમના નામ પર ફ્રાંસના 45 એવન્યુ વિક્ટર હ્યુગો, પેરિસમાં અચળ સંપત્તિને ટાંચમાં લીધી છે.
તમને જણાવી દઈએ કે ઈડી મિશેલની ફરીથી પૂછપરથ કરવા ઈચ્છે છે. એટલા માટે તેણે સીબીઆઈ કોર્ટ સામે અરજી કરીને આની મંજૂરી માંગી હતી. આ પહેલા ક્રિશ્ચિયન મિશેલની પૂછપરછ મામલે દિલ્લીની પટિયાલા હાઉસ કોર્ટે તિહાર જેલ પ્રશાસનને નોટિસ પાઠવી હતી. મિશેલ હાલમાં તિહાર જેલમાં બંધ છે. મિશેલના વકીલના એ આરોપ બાદ જાહેર કરવામાં આવ્યુ છે જેમાં જેલની અંદર મિશેલને માનસિક રીતે હેરાન કરવાનો આરોપ લગાવવામાં આવ્યો છે.
Delhi: CBI Court allows Enforcement Directorate's application seeking permission to allow them to further question Christian Michel, the alleged middleman in AgustaWestland case, in Tihar Jail. (file pic) pic.twitter.com/3nSNjtE5Rs
— ANI (@ANI) 12 March 2019
તમને જણાવી દઈએ કે ગયા વર્ષે ગોટાળામાં વચેટિયાની ભૂમિકા નિભાવનાર મિશેલના દૂબઈથી પ્રત્યાર્પણ બાદ ગયા વર્ષે 22 ડિસેમ્બરે ધરપકડ કરવામાં આવી હતી. મિશેલ એ ત્રણ કથિત વચેટિયામાં શામેલ છે જેમની સામે ગોટાળાની તપાસ ઈડી અને સીબીઆઈ કરી રહી છે. મિશેલ પર આરોપ છે કે તે પોતાના બે સાથીઓ ગુઈદો હાશ્કે અને કાર્લો ગેરેસા સાથે મળીને આ ગુનાહિત ષડયંત્ર રચ્યુ હતુ. અત્યાર સુધીની તપાસમાં ઈડીને માલુમ પડ્યુ છે કે મિશેલ પોતાની દૂબઈની કંપની ગ્લોબલ સર્વિસીઝના માધ્યમથી દિલ્લીની એક કંપનીને શામેલ કરી હતી અને પછી ત્યારબાદ તેણે ઓગસ્ટા વેસ્ટલેન્ડથી લાંચ લીધી.
આ પણ વાંચોઃ માયાવતીનું મોટુ એલાન- કોંગ્રેસ સાથે કોઈ પણ રાજ્યમાં નહિ થાય ગઠબંધન