અજય દેવગનની ભોલાએ બોક્સ ઓફિસ પર સિક્કા પાડ્યા, જાણો પહેલા વિકએન્ડનું કલેક્શન
શાહરૂખ ખાનની પઠાણ બાદ હવે અજય દેવગનની ભોલાએ બોક્સ ઓફિસ પર ધમાલ મચાવી છે. 30 માર્ચે રિલિઝ થયેલી ભોલા દર્શકોને પસંદ આવી રહી છે અને દર્શકોનો પ્રેમ મળી રહ્યો છે. રિલિઝ થયા બાદ ઓપનિંગ દિવસોનું કલેક્શન એ સાબિત કરી રહ્યું છે કે ફિલ્મને લોકોનો રિસ્પોન્સ મળી રહ્યો છે. ભોલાએ તેના પહેલા ત્રણ દિવસમાં જ 30.7 કરોડ રૂપિયાનું કલેક્શન કરી લીધુ છે.
ફિલ્મમાં શાનદાર એક્શન છે, જે એક્શન લવરોને પસંદ આવી રહી છે. આ ફિલ્મમાં અજય દેવગન સાથે સાથે તબ્બુ પણ શાનદાર રીતે ફિલ્મી પડદે વાપસી કરતી જોવા મળી રહી છે. મહિલા પોલીસની ભૂમિકા ભજવી રહેલી તબ્બુએ ફરી એકવાર પોતાની ક્ષમતા સાબિત કરી છે. રિલીઝના પહેલા દિવસે ભોલાએ 11.20 કરોડની કમાણી કરી છે કરી હતી. આ ફિલ્મ 125 કરોડના અધધ બજેટમાં બની છે. હાલ તો ફિલ્મ કમાણી કરી રહી છે પરંતુ આગળ કેવી રીતે કમાણી કરે છે તે જોવાનું રહેશે.
અહીં તમને જણાવી દઈએ કે, આ પહેલા આવેલી અજય દેવગનની ફિલ્મ દ્રશ્યમ 2ને દર્શકોનો જબરદસ્ત પ્રતિસાદ મળ્યો હતો. આ ફિલ્મમાં પણ અજય દેવગન અને તબ્બુની કેમેસ્ટ્રી ફેન્સને પસંદ આવી હતી. ફિલ્મે બોક્સ ઓફિસ પર પણ સારી એવી કમાણી કરી હતી. હવે અજય દેવગનને આ ફિલ્મથી પણ આશાઓ છે ત્યારે જોવાનુ એ રહે છે કે ફિલ્મ ક્યાં સુધી દર્શકોને સાથે લાવવામાં સફળ થાય છે.
Click it and Unblock the Notifications
Sign in with Google
