ભાજપ અધ્યક્ષની દોડમાં સૌથી આગળ અમિત શાહ!

નવી દિલ્હી, 15 જૂન: ઉત્તર પ્રદેશમાં ભાજપને ઐતિહાસિક સફળતા અપાવનાર રણનીતિકાર અમિત શાહને પાર્ટી ઇનામ આપી શકે છે. કહેવામાં આવે છે કે વડાપ્રધાન નરેન્દ્ર મોદીના અંગત માનવામાં આવતા અમિત શાહ પાર્ટી અધ્યક્ષની દોડમાં સૌથી આગળ ચાલી રહ્યાં છે.

મળતી માહિતી મુજબ પોતાની સંગઠનાત્મક ખૂબીઓ માટે જાણિતા 50 વર્ષના અમિત શાહ પાર્ટીમાં એક નવો દૌર શરૂ કરી શકે છે, જે કેન્દ્ર સરકાર સાથે તાલમેળ બનાવીને કામ કરશે.

સમાચારો અનુસાર હિમાચલ પ્રદેશથી રાજ્યસભાના સાંસદ અને 54 વર્ષના પાર્ટી મહાસચિવ જેપી નડ્ડા પણ અધ્યક્ષ પદની દોડમાં છે. પરંતુ અમિત શાહને એવા વ્યક્તિના રૂપમાં જોવામાં આવી રહ્યાં છે જે આગામી મહારાષ્ટ્ર, હરિયાણા, દિલ્હી અને બિહાર વિધાનસભા ચૂંટણીમાં પાર્ટીને જીત અપાવી શકે છે.

લોકસભા ચૂંટણીમાં ભાજપે ઉત્તર પ્રદેશમાં 80 માંથી 71 સીટો જીતી હતી. અમિત શાહ પ્રદેશના ચૂંટણી પ્રભારી હતા. હવે પ્રદેશની 11 વિધાનસભાઓ પર પેટાચૂંટણી યોજાવવાની છે. માનવામાં આવી રહ્યું છે કે આ ચૂંટણીમાં પણ અમિત શાહના નેતૃત્વમાં લડવામાં આવશે.

English summary

After a stunning show in the Lok Sabha elections, during which he managed the show in Uttar Pradesh, Bharatiya Janata Party (BJP) leader and Prime Minister Narendra Modi's close aide Amit Shah has emerged the frontrunner for the top post in the party.