દેશમાં 1993 બોમ્બે બ્લાસ્ટ જેવા હુમલાની યોજના બની રહી હતી-સૂત્રો

મંગળવારે દિલ્હી પોલીસના સ્પેશિયલ સેલે ISI પ્રાયોજિત મોડ્યુલનો પર્દાફાશ કરીને મોટી સફળતા મેળવી છે. ટીમે 6 આતંકીઓની ધરપકડ કરી છે. આ 6 માં 2 આતંકવાદીઓ પાકિસ્તાન ગયા હતા અને આ વર્ષે તાલીમ લીધા પછી પાછા આવ્યા હતા. દિલ્હી પોલીસના સ્પેશિયલ સેલે જણાવ્યું હતું કે, કેન્દ્રીય એજન્સીથી અમને ભારતના કેટલાક મોટા શહેરોમાં આતંકવાદી ઘટનાઓને અંજામ આપવાના ષડયંત્રના ઇનપુટ્સ મળ્યા છે, જે સરહદ પારથી છે. આ નેટવર્ક ઘણા રાજ્યોમાં ફેલાયેલું અને મોટું નેટવર્ક છે. હવે પકડાયેલા આતંકવાદી મોડ્યુલે ખુલાસો કર્યો છે કે આ આતંકવાદી 1993 બોમ્બે બ્લાસ્ટ જેવા હુમલાનું કાવતરું ઘડી રહ્યો હતો.

સૂત્રો પાસેથી પ્રાપ્ત સમાચારો અનુસાર, દિલ્હી પોલીસની પકડમાં આવી ગયેલું પાકિસ્તાન પ્રાયોજિત આતંકવાદી મોડ્યુલ 1993 ના બોમ્બે બ્લાસ્ટ જેવા હુમલાને પુનરાવર્તિત કરવાની યોજના બનાવી રહ્યું હતું. એટલું જ નહીં આ આતંકીઓએ જગ્યાઓની પસંદગી પણ કરી હતી.પોલીસે પકડાયેલા આતંકીઓ પાસેથી આશરે 1.5 કિલો આરડીએક્સ પણ જપ્ત કર્યું છે.

પોલીસ દ્વારા પકડાયેલા આતંકવાદીઓએ કેટલાક લોકોના નામ પણ આપ્યા છે, જે ટેરર ​​મોડ્યુલની મદદ માટે સ્લીપર સેલ તરીકે કામ કરતા હતા. સૂત્રોએ જણાવ્યું હતું કે, પોલીસ આગામી દિવસોમાં વધુ ધરપકડ કરવાનો પ્રયાસ કરી રહી છે. આતંકવાદીઓની ઓળખ જાન મોહમ્મદ શેખ (47) ઉર્ફે 'સમીર', ઓસામા (22), મૂળચંદ (47), ઝીશાન કમર (28), મોહમ્મદ અબુ બકર (23) અને મોહમ્મદ અમીર જાવેદ (31) તરીકે થઈ છે. દિલ્હી અને ઉત્તર પ્રદેશના કેટલાક ભાગોમાં દરોડા પાડ્યા બાદ આ તમામ ઝડપાયા હતા.

આ આતંકીઓને દિલ્હીની કોર્ટમાં રજૂ કરવામાં આવ્યા હતા અને તેમને વધુ પૂછપરછ માટે 14 દિવસના પોલીસ રિમાન્ડ પર મોકલાયા છે. પોલીસે કહ્યું હતું કે આતંકવાદીઓએ ખુલાસો કર્યો છે કે તે પાકિસ્તાનના આતંકવાદી મોડ્યુલને અન્ડરવર્લ્ડ અને પાક-આઈએસઆઈ ટ્રેન્ડ આતંકવાદી મોડ્યુલ દ્વારા બે ભાગમાં ચલાવી રહ્યા હતા.

English summary

An attack like the 1993 Bombay Blast was being planned-Sources