Video: દિલ્હીમાં સેનાના જવાનોએ પોલીસ કોન્સ્ટેબલ ની ધુલાઈ કરી
દિલ્હીના કેન્ટ ચોકી ક્ષેત્રમાં પોલીસ અને સેનાના જવાનો વચ્ચે મારપીટનો વીડિયો સોશ્યિલ મીડિયા પર ખુબ જ ઝડપથી વાયરલ થઇ રહ્યો છે.
દિલ્હીના કેન્ટ ચોકી ક્ષેત્રમાં પોલીસ અને સેનાના જવાનો વચ્ચે મારપીટનો વીડિયો સોશ્યિલ મીડિયા પર ખુબ જ ઝડપથી વાયરલ થઇ રહ્યો છે. વીડિયોમાં સેનાના જવાનો દિલ્હી પોલીસ કોન્સ્ટેબલ ની જોરદાર ધુલાઈ કરતા જોવા મળી રહ્યા છે. આ આખી ઘટના મોબાઈલ કેમેરામાં કેદ થઇ ચુકી છે. આ મામલે સેનાનું કહેવું છે કે આ પોલીસ કોન્સ્ટેબલ પ્રતિબંધિત ક્ષેત્રમાં ઘુસી આવ્યો હતો અને તેને સેનાના એક અધિકારી સાથે ગેરવર્તણૂક કરી હતી.
જ્યારે પોલીસ અધિકારીએ જણાવ્યું કે તે પોતાની રૂટિન ડ્યુટી પર હતો અને તે પ્રતિબંધિત ક્ષેત્રથી બહાર હતો. તેમને જણાવ્યું કે તેમને સેના સાથે કોઈ પણ પ્રકારની ગેરવર્તણૂક કરી જ નથી. હેડ કોન્સ્ટેબલ સંદીપ ઘ્વારા જણાવવામાં આવ્યું કે તેઓ દિલ્હીના કેન્ટ ચોકી ક્ષેત્રથી વેરિફિકેશનના કારણે સેના કાર્યાલય તરફ જઈ રહ્યા હતા. મુખ્ય ગેટ પર જ તેમને સેના જવાનો ઘ્વારા રોકી લેવામાં આવ્યો હતો.
તેમને આગળ જણાવ્યું કે તેઓ વેરિફિકેશન માટે આવ્યા છે અને જો શંકા હોય તો તેમનું ઓળખપત્ર ચેક કરી શકો છો. પરંતુ ત્યારપછી બંને વચ્ચે વાત વધી ગયી અને મારપીટ સુધી પહોંચી ગયી.
ત્યારપછી સંદીપે આખી ઘટનાની જાણકારી પોલીસ ચોકીને આપી. ચોકીથી જયારે પોલીસકર્મીઓ આવ્યા ત્યારે મામલો વધારે બગડી ગયો. હેડ કોન્સ્ટેબલ ને ઘણી ગંભીર ઇજા થયી છે. તેને હોસ્પિટલમાં દાખલ કરવામાં આવ્યો છે. પોલીસ તપાસ કરવામાં લાગી છે કે સૌથી પહેલા કોણે લડાઈ શરૂ કરી હતી.