Arvind Kejriwal Bail : કોણ છે અરવિંદ કેજરીવાલને જામીન આપનારી જજ? જાણો કેમ ચર્ચામાં છે?
Arvind Kejriwal Bail : દિલ્હીની રાઉઝ એવન્યુ કોર્ટે અરવિંદ કેજરીવાલને જામીન આપ્યા છે. આ જામીન બાદ હાઈકોર્ટે જામીન પર રોક લગાવી છે. આ ઘટનાક્રમ વચ્ચે જસ્ટિસ ન્યાય બિંદુની ચર્ચા થઈ રહી છે.
રાઉઝ એવન્યુ કોર્ટના વેકેશન જજ ન્યાય બિંદુએ દિલ્હીના મુખ્યમંત્રીના જામીનનો આદેશ જારી કર્યો છે. રાઉઝ એવન્યુએ કેજરીવાલની ધરપકડના 91 દિવસ બાદ તેમને જામીન આપ્યા છે.
ન્યાય બિંદુ રોહિણી કોર્ટના જજ રહી ચૂક્યા છે
સુપ્રીમ કોર્ટના વકીલ ઈન્દિરા જય સિંહે X પર પોસ્ટ કરીને દિલ્હીના મુખ્યમંત્રી અરવિંદ કેજરીવાલ અને તેમની ટીમને અભિનંદન પાઠવ્યા છે. તેમણે કહ્યું કે, જામીન આપનાર જજનું નામ ન્યાય બિંદુ છે. ન્યાય બિંદુ દિલ્હીની રોહિણી કોર્ટના ઉત્તર પશ્ચિમ જિલ્લાના વરિષ્ઠ સિવિલ જજ રહી ચૂક્યા છે.
ન્યાયિક કસ્ટડી સમાપ્ત થયા પછી અરવિંદ કેજરીવાલને બુધવારે (19 મે) ના રોજ વીડિયો કોન્ફરન્સ દ્વારા કોર્ટમાં રજૂ કરવામાં આવ્યા હતા. આ દરમિયાન જસ્ટિસ ન્યાય બિંદુએ તેમની કસ્ટડી 3 જુલાઈ સુધી લંબાવી હતી.
સીએમ કેજરીવાલની 21 માર્ચે ED દ્વારા ધરપકડ કરવામાં આવી હતી. આ પછી તેને 1 એપ્રિલે તિહાર જેલમાં મોકલી દેવામાં આવ્યા હતા. આ પહેલા સુપ્રીમ કોર્ટે ચૂંટણી સમયે કેજરીવાલને 21 દિવસના વચગાળાના જામીન આપ્યા હતા. 21 દિવસ સુધી જામીન પર બહાર રહ્યા બાદ કેજરીવાલે 2 જૂને સાંજે 5 વાગ્યે તિહાર જેલમાં આત્મસમર્પણ કર્યું હતું.
વિશેષ ન્યાયાધીશ ન્યાય બિંદુએ કેજરીવાલને 1 લાખના અંગત બોન્ડ પર રાહત આપી છે. કોર્ટે કેજરીવાલને રાહત આપતા પહેલા કેટલીક શરતો પણ લાદી, જેમાં તેઓ તપાસમાં અવરોધ કે સાક્ષીઓને પ્રભાવિત કરવાનો પ્રયાસ કરશે નહીં.
Click it and Unblock the Notifications
Sign in with Google
