અસમમાં આવ્યું ભયંકર પૂર, 19 હજાર લોકો થયા પ્રભાવિત

Updated: Tuesday, June 23, 2015, 17:50 [IST]

ગુવાહાટી, 23 જૂન: એક તરફ છત્તીસગઢમાં છેલ્લા 48 કલાકોથી સતત વરસાદ વરસી રહ્યો છે, જ્યારે બીજી તરફ અસમમાં પૂરનું તાંડવ શરૂ થઇ ગયું છે. આ પૂરને પગલે 19 હજારથી પણ વધારે લોકો પ્રભાવિત થયા છે.

અસમ સ્ટેટ ડિઝાસ્ટર મેનેજમેન્ટ ઓથોરિટી અનુસાર બરપેટા, ધેમાજી, ટિંસુકિયા, મોરીગાવ અને લખીમપુરના લગભગ 62 ગામો પૂરની ઝપેટમાં આવી ગયા છે.

રાજ્યમાં વહેનારી બ્રહ્મપુત્ર નદી બંને કાંઠે વહેવા લાગી છે, જેના પગલે લગભગ 1600 હેક્ટરની ખેતી બર્બાદ થઇ ગઇ છે. અત્યાર સુધી રાજ્યમાં પૂરના કારણે ત્રણ લોકોના મોત થઇ ચૂક્યા છે.

જોરહાટના નેમાટીઘાટ પર બ્રહ્મપુત્ર નદી ખતરાના નિશાનાથી ઉપર વહી રહી છે. તેમની ઉપનદી જિયા બરાલી એનટી રોડ ક્રોસિંગ પર ખતરાના નિશાનાની ઉપર છે.

તસવીરોમાં જુઓ પૂરે કેવી સર્જી છે તારાજી...