બહેન સુષ્મા સ્વરાજને કિડની આપવા તૈયાર છે આ બલૂચ નેતા

બલૂચ નેતા અહમર મુસ્તી ખાને ભારતના વિદેશ મંત્રી સુષ્મા સ્વરાજને કિડની આપવાની તૈયારી દર્શાવી છે....

વિદેશ મંત્રી સુષ્મા સ્વરાજે બુધવારે ટ્વીટ કર્યુ હતુ કે તેઓ એમ્સમાં ભરતી છે અને ત્યાં તેમનુ ડાયાલીસીસ ચાલી રહ્યુ છે. સુષ્માની એક કિડની ફેઇલ થઇ ચૂકી છે. તેમની તબિયતના સમાચાર સાંભળીને માત્ર ભારતમાં જ નહિ પરંતુ વિદેશોમાં પણ તેમના પ્રશંસકો નારાજ થયા છે. સુષ્માને હવે એક બલૂચ નેતાએ પોતાની કિડની આપવાની તૈયારી દર્શાવી છે.

બહેન સુષ્માને જલ્દી સાજા કરે ભગવાન શ્રીકૃષ્ણ

બલૂચ નેતા અહમર મુસ્તી ખાને કહ્યુ કે તેઓ સુષ્મા સ્વરાજને પોતાની એક કિડની આપવા માંગે છે. બુધવારે જ્યારે સુષ્માની તબિયત ખરાબ હોવાના સમાચાર આવ્યા હતા ત્યારે તેમણે ટ્વીટ કર્યુ હતુ. તેમણે પોતાના ટ્વીટમાં લખ્યુ હતુ કે બલૂચ લોકોની બહેન સુષ્માને ભગવાન શ્રીકૃષ્ણ જલ્દી ઠીક કરે.

સ્વાસ્થ્યની સ્થિતિ

એમ્સના પ્રવકતા ડોક્ટર અમિત ગુપ્તાએ જણાવ્યુ હતુ કે એ સુષ્માનો જ નિર્ણય હતો કે પોતાના સ્વાસ્થ્યની સ્થિતિ વિશે તે પોતે જ લોકોને જણાવશે. સુષ્માની આ જાણકારી સાથે જ તેમના પ્રશંસકો તરફથી તેમના જલ્દી સાજા થવાની કામના કરવામાં આવી હતી.

કોણ છે અહમર મુસ્તી

જેઓ અહમર મુસ્તી વિશે નથી જાણતા તેમને જણાવી દઇએ કે મુસ્તી એ જ નેતા છે જેમણે પાકિસ્તાન પ્રધાનમંત્રી નવાઝ શરીફને યુએસ ઇંસ્ટીટ્યુટ ઓફ પીસમાં ભાષણ દરમિયાન ઘણા સવાલ પૂછ્યા હતા. ભીડમાં મુસ્તીના સવાલોએ નવાઝને પરેશાન કરી દીધા હતા.

અમેરિકાને માને છે દોષિત

મુસ્તીનું માનવુ છે કે જો અમેરિકા પાકિસ્તાનને સમર્થન આપવાનું બંધ કરે તો બલૂચિસ્તાનની આઝાદી અને અહીના લોકોની જીત નિશ્ચિત છે. મુસ્તી પાકિસ્તાનના પ્રધાનમંત્રી નવાઝ શરીફને અલકાયદા નેતા અને આતંકવાદી ઓસામા બિન લાદેનનો દોસ્ત કહી ચૂક્યા છે. મુસ્તી પાકિસ્તાન પર અફઘાનિસ્તાન અને બલૂચિસ્તાનમાં આતંકવાદ વધારવાનો આરોપ લગાવી ચૂક્યા છે.

English summary

Baloch leader Ahmer Musti khan has offered his kidney to external affairs minister Sushma Swaraj. Musti is living in exile from a very longtime.