ઠાકરેએ ઓક્યુ ઝેર,'દિલ્હી ગેંગરેપના બધા આરોપીઓ બિહારી'

નવી દિલ્હી, 6 જાન્યુઆરી: દિલ્હી ગેંગરેપ મામલે મહારાષ્ટ્ર નવનિર્માણ સેનાના પ્રમુખ રાજ ઠાકરેએ બિહારીઓ પ્રત્યે વિવાદાસ્પદ ટિપ્પણી આપીને એક ફરી આરોપ-પ્રત્યારોપની રાજનીતિ શરૂ કરી દીધી છે. રાજ ઠાકરેએ મરાઠી ભાષણ કરતા જણાવ્યું કે મને બળાત્કાર પીડિતા સાથે સહાનુભૂતિ છે અને આવું હિચકારું કૃત્ય કોઇપણની સાથે ના થવું જોઇએ.

રાજ ઠાકરેએ જણાવ્યું કે શું કોઇએ પૂછ્યું કે બળાત્કાર કરનાર કોણ હતા. બધા લોકો બળાત્કાર-બળાત્કારની બૂમો પાડી રહ્યા છે. પરંતુ આ અંગે કોઇ વાત નથી કરી રહ્યું. પરંતુ એ કોઇ નથી કહી રહ્યું કે તમામ બળાત્કારીઓ બિહારના છે. આ લોકો જ્યા જાય છે ત્યાં અપરાધનો ફેલાવો કરે છે. તેમણે જણાવ્યું કે આ વાત દિલ્હીની મુખ્યમંત્રી શીલા દીક્ષિતે પણ કરી હતી કે દિલ્હીમાં ક્રાઇમ પરપ્રાંતિયોના કારણે વધી રહ્યો છે.

આ મામલે કોઇ કંઇ કહેવા તૈયાર નથી, અને જ્યારે હું બોલું છું તો સૌની નજરે ચડું છું. આ પહેલી વખત નથી પરંતુ આ પહેલા ઘણી વખત રાજ ઠાકરે બિહારીઓની સામે ઝેર ઓકી ચૂક્યા છે. આ પહેલા તેમણે બિહારીઓને ઘુસણખોર ગણાવ્યા હતા. જેના કારણે તેમની સામે દિલ્હી પોલીસમાં ફરિયાદ પણ નોંધાઇ ચૂકી છે.

આ પ્રકારની ભાષણબાજી તેઓ હંમેશાથી કરતા આવ્યા છે. મુંબઇ હુમલાના તાર પણ તેમણે બિહાર સાથે જોડવાના પ્રયત્નો કર્યા હતા. મુંબઇ હુમલાના મામલે બિહારના ચરમપંથીઓની ધરપકડ બાદ રાજે કહ્યું હતું કે આ બાબત એ દર્શાવે છે કે આ મામલાનો સંબંધ બિહાર સાથે હતો.

English summary

Amidst huge outrage over rising rape incidents and crime against women across the country, MNS chief Raj Thackeray blamed people from Bihar for rising incidents of rapes in India.