કરણ જોહરની પાર્ટી પર બીજેપી MLAએ ઉઠાવ્યા સવાલ, પુછ્યું- શું મંત્રીઓ પણ હતા સામેલ?

બોલિવૂડ અભિનેત્રી કરીના કપૂર ખાન, અમૃતા અરોરા, સીમા ખાન સહિત અનેક હસ્તીઓના કોરોના પોઝિટિવ આવ્યા બાદ ઈન્ડસ્ટ્રીમાં ખળભળાટ મચી ગયો છે. ભૂતકાળમાં કરીના કપૂર અને તેના મિત્રોએ રિયા કપૂર અને કરણ જોહરના ઘરે પાર્ટી કરી હતી. દરમિયાન હવે બીજેપી ધારાસભ્ય આશિષ શેલારે BMCને પત્ર લખીને તપાસની માંગ કરી છે. આ સાથે એવા સવાલો પણ ઉઠ્યા છે કે, કરણ જોહરની પાર્ટીમાં કયા મંત્રીઓએ હાજરી આપી હતી તેની પણ તપાસ થવી જોઈએ.

નામ છુપાવવાના પ્રયાસો થઈ રહ્યા છેઃ શેલાર

બીજેપી નેતા આશિષ શેલારે ગુરુવારે કહ્યું હતું કે, 'હું જાણવા માંગુ છું કે શું મહારાષ્ટ્ર સરકારના કોઈ મંત્રીએ પણ કરણ જોહરના ઘરે આયોજિત પાર્ટીમાં હાજરી આપી હતી? સીમા ખાન અને કરીના કપૂર જેવી સેલિબ્રિટીએ પાર્ટીમાં હાજર લોકો વિશે શું કહ્યું તેમાં વિસંગતતા છે. ધારાસભ્યએ કહ્યું કે કરીના કપૂર ખાન અને સોહેલ ખાનની પત્ની સીમા ખાનના નિવેદનોમાં તફાવત છે. શું આ કોઈ નામ છુપાવવાનો પ્રયાસ છે?

'જોહરના ઘરે ડિનરમાં હાજર રહેલા તમામના નામ જાહેર કરવા જોઈએ'

તેમણે કહ્યું કે, બૃહન્મુંબઈ મ્યુનિસિપલ કોર્પોરેશન (BMC)ના અધિકારીઓએ મારી સાથે શેર કરેલી માહિતી મુજબ સીમા ખાને જોહરના ઘરે ડિનર માટે હાજર રહેલા તમામ લોકોના નામ જાહેર કર્યા નથી. મને લાગે છે કે તે 8મી ડિસેમ્બરે યોજાઈ હતી. તેઓએ જે નામો છુપાવ્યા છે તે બહાર આવવા જોઈએ. કરણ જોહરના ઘરે થયેલી પાર્ટીમાં કેટલા લોકો સામેલ હતા, તેનો જવાબ મળવો જોઈએ.

સીસીટીવી કેમેરા જપ્ત કરવામાં આવે: શેલાર

ભાજપના નેતાએ કહ્યું કે આનાથી પાર્ટીમાં જોડાનારા લોકોની ચોક્કસ સંખ્યા પર શંકા છે. તેમણે કહ્યું કે BMCના અધિકારીઓ મીડિયાને કહેતા જોવા મળ્યા કે આ પાર્ટીમાં માત્ર આઠ જ લોકો હાજર હતા. શેલારે કહ્યું કે મેં આ સંબંધમાં BMCને પત્ર લખીને પૂછ્યું છે કે શું તેણે તે બિલ્ડિંગના CCTV ફૂટેજ મેળવ્યા છે કે જેમાં કરણ જોહરનું રહેઠાણ છે. જો હજી સુધી આ કરવામાં આવ્યું નથી, તો પછી BMC આ કામમાં વિલંબ કેમ કરી રહ્યું છે કારણ કે આ પાર્ટીમાં કેટલા લોકો આવ્યા છે તે આ ફૂટેજ પરથી જાણી શકાય છે.

કરણ જોહરનો ટેસ્ટ નેગેટિવ આવ્યો

કરીના કપૂરને કોરોના સંક્રમિત મળ્યા બાદ, BMCએ પાર્ટીમાં પહોંચેલા લોકો અને તેના સંપર્કમાં આવેલા કુલ 40 લોકોનો RT PCR ટેસ્ટ કરાવ્યો છે. દરેકના ઘરોને પણ સેનિટાઈઝ કરવામાં આવ્યા છે. ફિલ્મ નિર્માતા કરણ જોહર અને તેના 10 સ્ટાફ મેમ્બરોએ RT PCR ટેસ્ટ કરાવ્યો છે. આ સિવાય કરણ જોહરની માતા હીરૂ જોહરની પણ તપાસ કરવામાં આવી છે. કરણ જોહરના ઘરને સંપૂર્ણ રીતે સેનિટાઈઝ કરી દેવામાં આવ્યું છે. કોવિડ-19 માટે કુલ 40 લોકોનું પરીક્ષણ કરવામાં આવ્યું છે. જેમાં કરણ જોહરનો રિપોર્ટ નેગેટિવ આવ્યો છે.

English summary

BJP MLA raises questions on Karan Johar's party