...તો ભાજપમાં સામેલ થવા માગતા હતા મિઝોરમના મુખ્યમંત્રી લાલથનહવલા!
...તો ભાજપમાં સામેલ થવા માગતા હતા મિઝોરમના મુખ્યમંત્રી!
રાજ્યમાં વિધાનસભા ચૂંટણીની પ્રક્રિયા શરૂ થતા પહેલા જ મિઝોરમના મુખ્યમંત્રી અને પ્રદેશ કોંગ્રેસ અધ્યક્ષ લાલથનહવલા પાર્ટીના કેટલાક અન્ય ધારાસભ્યો સાથે ભાજપમાં સામેલ થવા માગતા હતા? રાજ્યમાં 28મી નવેમ્બરે થનાર વિધાનસભા ચૂંટણી માટે જોરી પકડી રહેલ પ્રચાર અભિયાનની વચ્ચે ભાજપના અધ્યક્ષ જે.વી.લૂનાએ તાજેતરમાં જ આવો દાવો કર્યો છે. બીજી બાજુ કોંગ્રેસે તેમના આ દાવાને મજાક ગણાવી.
ભાજપનો દાવો
ભાજપના અધ્યક્ષ લૂનાએ પત્રકારો સાથેની વાતચીત દરમિયાન ત્યાં સુધી દાવો કર્યો કે વિધાનસભા ચૂંટણીના પરિણામ નિકળ્યા બાદ કોંગ્રેસના તમામ ચૂંટાયેલા ધારાસભ્યો ભાજપમાં સામેલ થઈ જશે. એમણે કહ્યું કે ચૂંટણી પહેલા લાલથનહવલાએ અરૂણાચલ પ્રદેશની જેમ અહીં પણ પ્રદેશ કોંગ્રેસના વિલય માટે ભાજપના મોવડી મંડળનો સંપર્ક કર્યો હતો. લાલથનહવલા પાર્ટીમાં સામેલ થવા માંગતા હતા.
ભાજપમાં જોડાવવા માગે છે લાલથનહવલા!
બીજી બાજુ પ્રમુખ વિપક્ષી દળ મિઝો નેશનલ ફ્રન્ટના એક વરિષ્ઠ નેતાએ પણ આવો જ દાવો કર્યો છે. એમનું કહેવું છે કે ભાજપ મોવડી મંડળે કોંગ્રેસના નેતાઓની માગણી ફગાવી દીધી છે. આ કારણે જ ડીલ થઈ શકી નહિ. એમએનએફ નેતાનું કહેવું છે કે લલથનહવલા પોતાની દીકરીને મુખ્યમંત્રી બનાવવા માગતા હતા અને તેઓ ખુદ પોતાના માટે રાજ્યપાલનું પદ માગી રહ્યા હતા.
કોંગ્રેસે શું કહ્યું?
જણાવી દઈએ કે રાજ્યના નાણામંત્રી લાલસાવતાએ આ તમામ દાવાઓને ખોટા કરાર આપતાં તેને માત્ર એક મજાક ગણઆવી. અન્ય એક સવાલ પર એમણે કહ્યું કે પાર્ટીનો કોઈપણ ધારાસભ્ય ભાજપમાં સામેલ નહિ થાય. જો કે બધા જાણે જ છે કે ચૂંટણી કોઈપણ જીતે છેલ્લે હોર્સ ટ્રેડિંગમાં ભાજપના માસ્ટરમાઈન્ડ જેવું કોઈ જ કારગાર નથી.
Click it and Unblock the Notifications
Sign in with Google
