કેરળમાં 91 સીટો પર ચૂંટણી લડશે કોંગ્રેસ, રવિવારે જાહેર થઈ શકે છે લિસ્ટ
કેરળની 140 વિધાનસભા સીટો પર 6 એપ્રિલે મતદાન થવાનુ છે. આના માટે કોંગ્રેસ પાર્ટી રવિવાર સુધી ઉમેદવારોનુ લિસ્ટ જાહેર કરી શકે છે.
તિરુવનંતપુરમઃ કેરળની 140 વિધાનસભા સીટો પર 6 એપ્રિલે મતદાન થવાનુ છે. આના માટે કોંગ્રેસ પાર્ટી રવિવાર સુધી ઉમેદવારોનુ લિસ્ટ જાહેર કરી શકે છે. તમને જણાવી દઈએ કે કોંગ્રેસ કેરળમાં 91 સીટો પર ચૂંટણી લડવા જઈ રહી છે. વળી, કોંગ્રેસ જે ગઠબંધનમાં છે તેમાં અન્ય પાર્ટીઓ ઈન્ડિયન યુનિયન મુસ્લિમ લીગ 27 સીટો પર, આરએસપી 5 સીટો પર, એનસીપી(K) 2 સીટો પર ચૂંટણી લડશે. આ ઉપરાંત જનતા દળ, CMP, KC(J), RMP 1-1 સીટો પર ચૂંટણી લડશે.
81 સીટો પર ઉમેદવારોના નામ થયા ફાઈનલ
કેરળ પ્રદેશ કોંગ્રેસ કમિટી(PPC)ના અધ્યક્ષ મુલાપલ્લી રામચંદ્રન, રાજ્ય વિધાનસભામાં વિપક્ષના નેતા રમેશ ચેન્નીથલા અને પૂર્વ મુખ્યમંત્રી ઓમ્માન ચાંડીએ કહ્યુ કે પાર્ટી 91 સીટો પર ઉમેદવાર ઉતારશે જેમાંથી 81 સીટો પર સામાન્ય સંમતિથી ઉમેદવારોના નામ નક્કી કરી લેવામાં આવ્યા છે. વળી, બાકી 10 સીટો માટે આશા રાખવામાં આવી રહી છે કે કાલ સુધી નામ ફાઈનલ થઈ જશે. ત્યારબાદ જ અમે પોતાનુ લિસ્ટ જાહેર કરી દઈશુ.
નેમોમ સીટ માટે થઈ રહી છે ચર્ચા
તમને જણાવી દઈએ કે નેમોમ વિધાનસભા સીટ માટે ઘણી ચર્ચા આ વખતે થઈ રહી છે કારણકે આ એકમાત્ર એવી સીટ છે જે 2016ની વિધાનસભા ચૂંટણીમાં ભાજપના ખાતામાં ગઈ હતી. એવુ માનવામાં આવી રહ્યુ છે કે આ સીટથી રમનેશ ચેન્નીથલાને જ ઉમેદવાર જાહેર કરવામાં આવી શકે છે. જો કે હવે આ વિશે ચેન્નીથલા સાથે સવાલ કરવામાં આવ્યો તો તેમણે કહ્યુ કે આ વખતે આ સીટ પર નબળા ઉમેદવારને ઉતારવામાં નહિ આવે. તમને જણાવી દઈએ કે હજુ કેરળમાં ભાજપે પણ પોતાના ઉમેદવારોનુ લિસ્ટ જાહેર કર્યુ નથી. માનવામાં આવી રહ્યુ છે કે રવિવારે જ ભાજપ પણ પોતાના ઉમેદવારોની ઘોષણા કરી શકે છે.
બંગાળઃ પૂર્વ ભાજપ નેતા યશવંત સિન્હા TMCમાં શામેલ