Click it and Unblock the Notifications
Just In
-
-
-
-
Don't Miss
-
WhatsApp પર AIનો ઉપયોગ કરીને જનરેટ કરો ઈમેજ, બસ આટલું કરો -
#BlueWarrior બનો! ભારતના કોવિડ વૉરિયર્સની મદદ માટે જોશ એપના અભિયાનમાં ભાગ લો
મુઝફ્ફરપુરમાં પરીક્ષા દરમિયાન હિજાબ ઉતારવા બાબતે વિવાદ!
છેલ્લા કેટલાક સમયથી હિજાબને લઈને દેશભરમાં હંગામાનો માહોલ છે. એક તરફ મામલો સુપ્રીમ કોર્ટમાં છે તો બીજી તરફ કેટલાક સંગઠનો પણ વિરોધ કરી રહ્યા છે. હવે બિહારના મુઝફ્ફરપુરમાં હિજાબનેે લઈને હંગામો સર્જાયો છે.
નવી દિલ્હી : છેલ્લા કેટલાક સમયથી હિજાબને લઈને દેશભરમાં હંગામાનો માહોલ છે. એક તરફ મામલો સુપ્રીમ કોર્ટમાં છે તો બીજી તરફ કેટલાક સંગઠનો પણ વિરોધ કરી રહ્યા છે. હવે બિહારના મુઝફ્ફરપુરમાં હિજાબનેે લઈને હંગામો સર્જાયો છે. મુઝફ્ફરપુરની MDDM કોલેજમાં પરીક્ષા દરમિયાન એક શિક્ષકે વિદ્યાર્થીનીઓને કથિત રીતે હિજાબ ઉતારવા માટે કહેતા વિદ્યાર્થીનીઓએ વિરોધ કર્યો હતો. વિદ્યાર્થીનીઓએ પરીક્ષા હોલ બહાર હંગામો મચાવ્યો હતો. એક વિદ્યાર્થિનીનો આરોપ છે કે રવિવારે પરીક્ષા દરમિયાન જ્યારે તેણીએ હિજાબ ઉતારવાની ના પાડી ત્યારે એક શિક્ષકે તેના પર વાંધાજનક ટિપ્પણી કરી હતી.
એક કોલેજ વિદ્યાર્થીનીએ જણાવ્યું કે, પરીક્ષા હોલમાં હિજાબ જોઈને એક શિક્ષક તેની પાસે આવ્યો અને હિજાબ ઉતારવા માટે દબાણ કરવા લાગ્યો. બ્લુટુથ ડિવાઈસ વાપરવાના બહાને તે વારંવાર હિજાબ ઉતારવાનું કહેતો હતો. તેણે હિજાબ કાઢીને બતાવ્યું કે કાનમાં બ્લુ ટૂથ નથી. આ પછી પણ તેણે તેના પર હિજાબ ઉતારવા માટે દબાણ કરવાનું શરૂ કર્યું. ના પાડવા પર કેટલીક અભદ્ર ટિપ્પણી કરવા લાગ્યો.
MDDM પ્રિન્સિપાલ ડૉ. કનુ પ્રિયાએ જણાવ્યું કે, કોલેજમાં હિજાબનો કોઈ મુદ્દો નથી. પરીક્ષામાં મોબાઈલ ચેકિંગ કરવામાં આવી રહ્યું હતું. પરીક્ષા ખંડમાં શિક્ષકના કહેવાથી 20થી વધુ વિદ્યાર્થીનીઓએ મોબાઈલ કાઢીને બાજુમાં રાખ્યા હતા. જ્યારે એક વિદ્યાર્થીએ મોબાઈલ રાખ્યો ન હતો ત્યારે શિક્ષકે તેને મોબાઈલ કાઢીને રાખવા કહ્યું હતું. આ બાબતે વિદ્યાર્થીનીએ પરીક્ષા હોલમાંથી બહાર આવીને હંગામો મચાવ્યો હતો.
પ્રિન્સિપાલે કહ્યું કે, તેણે કેટલાક અસામાજિક તત્વોને પણ બોલાવ્યા, જેમણે હિજાબને મુદ્દો બનાવીને કોલેજનું વાતાવરણ બગાડવાનો પ્રયાસ કર્યો. જો કે, બાદમાં બધું શાંત થઈ ગયું છે. તેણે કહ્યું કે રૂમમાં હાજર અન્ય એક છોકરીએ પણ આ વાતની પુષ્ટિ કરી છે. જો તે છોકરીને શિક્ષક સાથે કોઈ સમસ્યા હોય તો તેણે આ અંગે પરીક્ષા નિયંત્રક અથવા મને ફરિયાદ કરી હોત, પરંતુ તેણે કોઈને કંઈ કહ્યું નહીં.
મિથાનપુરા પોલીસ સ્ટેશનના ઈન્ચાર્જ શ્રીકાંત સિન્હાએ જણાવ્યું કે, અમે બંને પક્ષોનું કાઉન્સેલિંગ કર્યું અને પરીક્ષા શાંતિપૂર્ણ રીતે થઈ છે. આ ક્ષણે આ વિસ્તારમાં કેસ નોંધવાની અથવા વધારાના દળો તૈનાત કરવાની જરૂર નથી, અમે પરિસ્થિતિ પર નજર રાખી રહ્યા છીએ.
