Delhi Election 2025 : AAP કે BJP? દિલ્હી ચૂંટણીમાં કઈ પાર્ટીનું પલ્લુ ભારે? જાણો 3 સર્વે શું કહે છે?

Delhi Assembly Election 2025 : દિલ્હીમાં 5 ફેબ્રુઆરીએ 70 વિધાનસભા બેઠકો માટે મતદાન થવા જઈ રહ્યું છે.

દિલ્હી વિધાનસભા ચૂંટણીમાં આ વખતે સત્તાધારી આમ આદમી પાર્ટી (AAP) અને ભારતીય જનતા પાર્ટી (BJP) વચ્ચે કાંટાની ટક્કર જોવા મળી રહી છે. કોંગ્રેસ આ બન્ને વચ્ચે પોતાનું અસ્તિત્વ શોધી રહી છે.

Times Now-JVC Delhi Opinion PollL : ટાઇમ્સ નાઉ JVC પોલમાં કોને કેટલી સીટો?

ટાઇમ્સ નાઉ JVC ઓપિનિયન પોલ પર વિશ્વાસ કરીએ તો દિલ્હીમાં આમ આદમી પાર્ટી અને બીજેપી વચ્ચે કાંટાની ટક્કર જોવા મળી રહી છે. સર્વે અનુસાર, આ વખતે AAPની બેઠકોમાં ઘટાડો થઈ શકે છે.

આ સર્વે ત્રણ પરિસ્થિતિઓ પર આધાર રાખીને કરવામાં આવ્યો છે. પહેલી પરિસ્થિતિમાં AAPની જીતની શક્યતા છે, બીજી પરિસ્થિતિમાં BJPના જીતની શક્યતા છે અને ત્રીજી પરિસ્થિતિમાં AAP અને કોંગ્રેસ વચ્ચે કાંટાની ટક્કરની શક્યતા છે. આ વખતે AAPની બેઠકો નોંધપાત્ર રૂપે ઘટી શકે છે.

C-Voter Opinion Poll Delhi : સી-વોટર ઓપિનિયલ પોલમાં કોણ આગળ?

C-Voter સર્વે પર વિશ્વાસ કરીએ તો દિલ્હીમાં ફરીથી AAPની સરકાર બની શકે છે. ઓપિનિયન પોલમાં 51% લોકોએ કહ્યું છે કે આ વખતે અરવિંદ કેજરીવાલની પાર્ટી ફરીથી સત્તામાં આવશે. 42% લોકોએ કહ્યું છે કે આ વખતે શક્યતા છે કે ભાજપની સરકાર બની શકે BJPની બેઠકોમાં વધારો થઈ શકે છે.

સર્વે અનુસાર, 10% થી 15% લોકો માને છે કે આ વખતે પરિણામ અનિશ્ચિત હોઈ શકે છે અને AAP અથવા BJP કોઈ પણ જીતી શકે છે.

NACDOR Opinion Poll Delhi: NACDOR ઓપનિયન પોલcex આપની સરકાર

NACDOR (દલિત સંગઠનોના રાષ્ટ્રીય સંઘ) એ દલિત મતદાતાઓ પર આધારિત એક સર્વે કર્યો. આ સર્વેમાં દિલ્હીની 6,256 લોકોએ ભાગ લીધો, જેમાંથી 2,574 મહિલાઓ છે. આ સર્વેના તારણ પ્રમાણે AAP દલિત ક્ષેત્રમાં 35 બેઠકો પર જીત મેળવી રહી છે, ત્યારબાદ BJPને 28 બેઠકો અને કોંગ્રેસને 7 બેઠકો મળી શકે છે.

Satta Bazaar on Delhi Election 2025 : શું કહે છે દેશના જાણીતા સટ્ટા બજાર?

સટ્ટા બજારની વાત કરીએ તો રાજસ્થાનના ફેમસ ફલોદી સટ્ટા બજારે શરૂઆતમાં AAPને 36 બેઠકો મળવાની આગાહી કરી હતી. જો કે હાલમાં આ અનુમાનમાં થોડો ફેરફાર થયો છે અને હવે AAPને 39 થી 41 વચ્ચે બેઠકો મળવાની શક્યતા છે. BJP માટે 29 થી 31 બેઠકોની અપેક્ષા છે, જે બહુમતિના આંકડાથી 5-6 બેઠકો ઓછી છે. હાલ ફલોદી સટ્ટા બજાર તરફથી કોંગ્રેસ માટે કોઈ અનુમાન કરાયુ નથી.

દિલ્હી ઈલેક્શનને લઈને આવેલા તમામ ઓપિનિયન પોલ પર વિશ્વાસ કરીએ તો આ વખતે દિલ્હીમાં કાંટાની ટક્કર છે અને કેજરીવાલની આમ આદમી પાર્ટીએ સત્તામાં પાછા ફરવા કાંટાની ટક્કરનો સામનો કરવો પડી રહ્યો છે. સટ્ટા બજાર પણ કઈંક આવા જ સંકેત આપે છે.

English summary

Delhi Assembly Election 2025 : AAP or BJP in Delhi? Know what 3 surveys say?