Delhi MCD By Poll Results 2021: આજે 5 સીટના પરિણામ આવશે, આકરી સુરક્ષા વચ્ચે મતગણતરી ચાલુ

Published: Wednesday, March 3, 2021, 8:44 [IST]

આજનો દિવસ આમ આદમી પાર્ટી અને ભાજપ માટે ઘણો મહત્વનો છે કેમ કે આજે દિલ્હી એમસીડીના પાંચ વોર્ડ માટે થયેલ પેટાચૂંટણીના પરિણામ આવવાના છે. આકરી સુરક્ષા ઈંતેજામો વચ્ચે સવારે આઠ વાગ્યેથી મતગણતરી શરૂ થઈ ગઈ છે, જણાવી દઈએ કે એમસીડીના પાંચ વોર્ડ માટે 28 ફેબ્રુઆરીએ મતદાન થયું હતું. આ વિશે વાત કરતાં સ્ટેટ ઈલેક્શન કમિશન સેક્રેટરી સંદીપ મિશ્રાએ મીડિયાને જાણકારી આપી કે મતગણતરી માટે તમામ તૈયારીઓ પૂરી થઈ ચૂકી છે. કાઉંટિંગ સેન્ટર્સ પર કોરોના મહામારીથી બચવા માટે લાગૂ ગાઈડલાઈનનું સખ્તાઈથી પાલન થઈ રહ્યું છે. ઉમ્મીદ મુજબ સવારે 10 વાગ્યા બાદ ટ્રેન્ડ્સ આવવા શરૂ થઈ જશે અને બપોર સુધી બધા જ પરિણામ આવી જશે.

કાઉન્ટિંગ સેન્ટર્સ

વોર્ડ- 002 ઈ ત્રિલોકપુરીની મતગણતરી પૂર્વ સર્વોદય કન્યા, બાલ વિદ્યાલય
નંબર- 1, મંડાવલી, વોર્ડ- 008 ઈ, કલ્યાણપુરીની મતગણતરી સર્વોદય બાલ વિદ્યાલય.
વોર્ડ- 041 ઈ, ચૌહાણ બાંગર વોર્ડની મતગણતરી GBSSS, શાસ્ત્રી પાર્ક
032N, રોહિણી- સી વોર્ડની મતગણતરી સ્કૂલ ઑફ એક્સીલેંસ રોહિણી
સેક્ટર- 23 અને 062 એન, શાલીમાર બાગની મતગણતરી પ્રતિભા વિદ્યાલય

જણાવી દઈએ કે દિલ્હી જે પાંચ સીટ પર પેટાચૂંટણી થઈ છે, તેમાંથી 3 સીટ પૂર્વ દિલ્હી નગર નિગમની છે અને બે સીટ ઉત્તરરી દિલ્હી નગર નિગમની છે. પૂર્વી દિલ્હી નગર નિગમના કલ્યાણપુરી, ચૌહાણ બાંગડ અને ત્રિલોકપુરી વોર્ડ પર પેટાચૂંટણી થઈ છે જ્યારે ઉત્તરી દિલ્હી નગર નિગમની રોહિણી સી અને શાલીમાર બાગ નોર્થ વોર્ડમાં પેટાચૂંટણી થઈ છે. જેમાંથી શાલીમાર બાગ નોર્થ વોર્ડના કોર્પોરેટરના મૃત્યુ બાદથી સીટ ખાલી થઈ હતી જ્યારે બાકી ચાર સીટના કોર્પોરેટર હવે આમ આદમી પાર્ટી સરકારમાં ધારાસભ્ય છે એટલે કે જોવાનું છે કે આ તમામ પાંચ સીટ આમ આદમી પાર્ટી પાસે હતી. શાલીમાર બાગ નોર્થ મહિલાઓ માટે સીટ આરક્ષિત છે, જ્યારે ત્રિલોકપુરી અને કલ્યાણપુરી અનુસૂચિત જાતિ માટે આરક્ષિત સીટ છે.

આપ અને ભાજપના પોતપોતાના દાવા

આ ચૂંટણીને લઈ ભાજપે દાવો કર્યો કે આમ આદમી પાર્ટીની નિગમ પેટાચૂંટણીમાં હાર નક્કી છે. જ્યારે દિલ્હીના સીએમ અરવિંદ કેજરીવાલે કહ્યું કે દિલ્હીની જનતા પહેલેની જેમ તેમને જ વિજયી બનાવશે, જ્યારે કોંગ્રેસ કહી રહી છે આ વખતે જનતા તેમનો સાથ આપશે. હવે કોનો દાવો સાચો સાબિત થશે તે ચૂંટણી પરિણામ બાદ માલૂમ પડી જશે.

આ ઉમેદવારોની કિસ્મતનો ફેસલો

ત્રિલોકપુરી (ભાજપ- ઓમપ્રકાશ ગુગરવાલ, કોંગ્રેસ- બાલ કિશન અને આપ- વિજયકુમાર.)
કલ્યાણપુરી (ભાજપ- સિયારામ કનૈજિયા, કોંગ્રેસ- ધર્મપાલ મૌર્યા અને આપ- ધીરેન્દ્ર કુમાર ઉર્ફ બંટી ગૌતમ)
ચૌહાણ બાંગડ (ભાજપ- મો. નજીર અંસારી, કોંગ્રેસ- ચૌધરી જુબેર અહમદ અને આપ- હાજી ઈશરાક)
રોહિણી સી (ભાજપ- રાકેશ ગોયલ, કોંગ્રેસ- મેમબતી બરવાલા અને આપ- રામચંદ્ર)
શાલીમાર બાગ નોર્થ (ભાજપ- સુરભિ જાજૂ, કોંગ્રેસ- મમતા અને આપ- સુનિતા મિશ્રા)