Delhi: સ્કુલમાં ઘુસીને બાળકીઓ સાથે છેડછાડ કરનાર નરાધમનુ સ્કેચ જારી, CCTV ન હોવા પર ઉઠ્યા સવાલ
રાજધાની દિલ્હીમાં એક શરમજનક ઘટના પ્રકાશમાં આવી છે, જ્યાં એક અજાણ્યો વ્યક્તિ મ્યુનિસિપલ કોર્પોરેશન સંચાલિત શાળામાં ઘૂસી ગયો હતો. ત્યારબાદ તેણે 8 વર્ષની બે બાળકીઓની છેડતી કરી હતી. આ દરમિયાન તેણે યુવતીના કપડાં પણ ઉતારી દીધા
રાજધાની દિલ્હીમાં એક શરમજનક ઘટના પ્રકાશમાં આવી છે, જ્યાં એક અજાણ્યો વ્યક્તિ મ્યુનિસિપલ કોર્પોરેશન સંચાલિત શાળામાં ઘૂસી ગયો હતો. ત્યારબાદ તેણે 8 વર્ષની બે બાળકીઓની છેડતી કરી હતી. આ દરમિયાન તેણે યુવતીના કપડાં પણ ઉતારી દીધા હતા. દિલ્હી મહિલા આયોગના અધ્યક્ષ સ્વાતિ માલીવાલે આ ઘટનાની પુષ્ટિ કરી છે. તેમજ દિલ્હી પોલીસ પાસે આરોપીઓ સામે કડક કાર્યવાહીની માંગ કરી છે. શાળામાં સીસીટીવી ન હોવા અંગે પણ સવાલો ઉઠી રહ્યા છે.
માલીવાલે જણાવ્યું હતું કે ભજનપુરા વિસ્તારમાં MCD દ્વારા સંચાલિત શાળામાં એક અજાણ્યો વ્યક્તિ ઘૂસી ગયો હતો, તેણે છોકરીઓના કપડાં ઉતારી દીધા હતા અને તેમની છેડતી કરી હતી. બાદમાં તેણે ક્લાસની સામે પેશાબ પણ કર્યો હતો. માલીવાલના જણાવ્યા અનુસાર, તેમણે પૂર્વ MCDના કમિશનરને પ્રશ્ન-જવાબ માટે સમન્સ મોકલ્યા છે. તેણે પૂછ્યું કે કોઈ આવી રીતે શાળામાં કેવી રીતે પ્રવેશી શકે. તેમજ જે કેમેરા લગાવવામાં આવ્યા હતા તે ક્યાં ગયા? આ ઉપરાંત આયોગે દિલ્હી પોલીસને કડક કાર્યવાહી અને આરોપીઓની ધરપકડ માટે નોટિસ પણ પાઠવી છે.
માલીવાલે આરોપ લગાવ્યો છે કે જ્યારે શાળા પ્રશાસનને આ વાતની જાણ થઈ તો તેણે મામલો છુપાવવાનો પ્રયાસ કર્યો. તેમજ યુવતીઓને આ બાબત ભૂલી જવા જણાવ્યું હતું. આવી સ્થિતિમાં શાળાના આચાર્ય અને શિક્ષક સામે પણ પોસ્કો એક્ટ હેઠળ કાર્યવાહી થવી જોઈએ.
Commission issued a notice to Delhi Police seeking immediate arrests & summoned East MCD Commissioner. Action should be taken against school principal & class teacher under POCSO Act for not reporting the crime to Delhi Police & attempting to conceal the same: Swati Maliwal pic.twitter.com/2fkFhg3u4r
— ANI (@ANI) May 4, 2022
દિલ્હી પોલીસે કહી આ વાત
બીજી તરફ દિલ્હી પોલીસે કહ્યું કે એન્ટ્રી ગેટ અને સ્કૂલની અંદર કોઈ સીસીટીવી જોવા મળ્યા નથી. શંકાસ્પદને શોધવા માટે આસપાસના વિસ્તારોના સીસીટીવી ફૂટેજની તપાસ કરવામાં આવી રહી છે. આ ઉપરાંત કેસ નોંધ્યા બાદ એક સ્કેચ પણ જારી કરવામાં આવ્યો છે. ટૂંક સમયમાં તેની ધરપકડ કરવામાં આવશે.