ચૂંટણી સુધી નહીં વધે ગેસના ભાવ, 'આપ'એ માન્યો આભાર

નવી દિલ્હી, 25 માર્ચ: લોકસભા ચૂંટણીના પગલે હવે 1 એપ્રિલ સુધી ગેસના ભાવમાં વધારો નહીં થાય. ચૂંટણી પંચે 1 એપ્રિલથી ગેસની કિંમતોમાં વધારા પર પ્રતિબંધ લગાવી દીધો છે. ચૂંટણી પંચે આ નિર્ણય આમ આદમી પાર્ટીની ફરિયાદ બાદ કર્યો છે. બનારસ પ્રવાસે આવેલા કેજરીવાલે ટ્વિટ કરી તેના માટે ચૂંટણી પંચનો આભાર પણ માન્યો છે. પોતાના ટ્વિટમાં કેજરીવાલે જણાવ્યું છે કે ભારતની જનતાને મોંઘવારીની મારથી બચાવવા બદલ ચૂંટણી પંચનો આભાર.

તેમણે જણાવ્યું કે જો 1 એપ્રિલથી ગેસની કિંમતો વધી જતી તો દેશમાં મોંઘવારી વધી જતી. જોકે ચૂંટણી પંચ દ્વારા આપવામાં આવેલી આ રાહત માત્ર 2 મહીના સુધી છે જ્યા સુધી ચૂંટણી પૂરી નથી થતી. જ્યાં કેજરીવાલે પંચની સરાહના કરી છે જ્યારે રિલાયંસ ઇંડસ્ટ્રીઝ લિમિટેડે પ્રાકૃતિક ગેસની કિંમતો પર એકવાર ફરી સફાઇ આપી છે. તેમની તરફથી કરવામાં આવેલી દલિલ પ્રમાણે ગેસના ભાવ વધવાથી મોંઘવારી વધી જશે એ વાત કહેનારા લોકો ખરેખર લોકોને ભ્રમિત કરી રહ્યા છે.

તેમણે કેજરીવાલ પર આરોપ લગાવ્યો છે કે ગેસની કિંમતોને લઇને ખૂબ બધા ભ્રમ ફેલાવવામાં આવી રહ્યા છે, તેમાંથી એક છે કે ગેસ મોંઘું થતાં જ સરકાર ઉર્વરકોના પણ ભાવ વધારી દેશે, જેનાથી ઉત્પાદન મોંઘુ થશે અને તેના કારણે તમામ ચીજવસ્તુઓના ભાવ વધશે. કેજરીવાલ અને રિલાયંસની આ લડાઇથી જનતાને બે મહીના માટે ગેસમાં વધારામાંથી રાહત મળી ગઇ છે. હવે લોકસભા ચૂંટણી સુધી ગેસ કિંમતમાં કોઇ પણ જાતનો વધારો થશે નહી.

English summary

On the eve of the petition on gas price hike being taken up for hearing in the Supreme Court the Election Commission has sought deferment of the price hike till elections are over.