Assam Exit Poll 2026 Result: આસામમાં ભાજપની હેટ્રિક! Axis My India એ આપી આટલી બેઠકો, કોંગ્રેસ ફરી નિસ્તેજ?

Assam Exit Poll 2026 Result: આસામમાં AXIS My India ના એક્ઝિટ પોલ મુજબ આસામ વિધાનસભા ચૂંટણી 2026 માં સત્તારૂઢ NDA ની વાપસી થતી જોવા મળી રહી છે. 126 સભ્યોની વિધાનસભામાં NDA ને 88 થી 100 બેઠકો મળવાનું અનુમાન વ્યક્ત કરવામાં આવ્યું છે. જેમાં ભાજપને 70-80 બેઠકો, AGP ને 7-9 બેઠકો અને BPF ને 9-11 બેઠકો મળી શકે છે. આ આંકડા સંકેત આપે છે કે NDA માત્ર બહુમતી જ નહીં પરંતુ ગત વખત કરતા પણ ચઢિયાતું પ્રદર્શન કરી શકે છે.

AXIS My India ના એક્ઝિટ પોલ મુજબ આસામમાં યુવા મતદારોએ ઉત્સાહપૂર્વક ભાગ લીધો છે. પ્રથમ વખત મત આપનારા 18-19 વર્ષના મતદારોમાં NDA ને 43 ટકા વોટ શેર મળવાનું અનુમાન છે, જે ગત ચૂંટણીની સરખામણીએ 3 ટકાનો વધારો દર્શાવે છે. જ્યારે કોંગ્રેસ+ ને આ વર્ગમાં 41 ટકા વોટ મળી શકે છે.

તમને જણાવી દઈએ કે આસામમાં 9 એપ્રિલે મતદાન થયું હતું, અહીં 2.5 કરોડ મતદારોમાંથી 85.96 ટકા લોકોએ મતદાન કર્યું, જે તમામ મતવિસ્તારોમાં મતદારોની મજબૂત ભાગીદારી દર્શાવે છે. જોકે, એક્ઝિટ પોલના અનુમાન અત્યારે માત્ર અટકળો જ છે, અને અંતિમ પરિણામોની પુષ્ટિ માત્ર મતગણતરીના દિવસે જ થશે, ચૂંટણી પરિણામો 4 મે ના રોજ આવશે.

આસામમાં કોની બનશે સરકાર?

આસામમાં NDA (ભાજપ, AGP અને UPPL) અને આસામ સંમિલિત મોરચા (કોંગ્રેસ અને અન્ય પ્રાદેશિક પક્ષો) વચ્ચે સીધો મુકાબલો છે. સત્તાધારી પક્ષે વિકાસના મુદ્દે ચૂંટણી લડી છે, તો બીજી તરફ વિપક્ષ મોંઘવારી, બેરોજગારી અને સ્થાનિક મુદ્દાઓને લઈને સરકાર વિરુદ્ધ ચૂંટણી મેદાનમાં ઉતર્યો હતો. રાજ્યના અનેક વિસ્તારોમાં સ્ટાર પ્રચારકોની ઉપરાઉપરી રેલીઓ પણ જોવા મળી હતી. તમને જણાવી દઈએ કે અહીં 126 વિધાનસભા બેઠકો છે, જેમાં સરકાર બનાવવા માટેનો મેજિક નંબર (બહુમતી) 64 છે.